اكبر غلطة غلطتها في حياتي بقلم Abdelaziz
عشان بالصدفه اقف في كمين ويطلب الرخص فبدأت ادور على الرخصه في العربيه في الوقت اللي بدأ الكلب يشمشم حوالين العربيه وهياجه يزيد فنزلوني من العربيه وبدأوا يفتشوها
طبعا اتاخدت على البوكس واتصلت ببابا وكانت صدمة كبيرة جدا ليا
وبدأت التحقيقات اللي بابا طلب فيها باجراء تحليل ليا كقرينة على ان دي مش بتاعتي
وفي نفس الوقت يوسف جا وقبل ما يدخل عشان يتحقق معاه بصفته صاحب العربية جا قعد معايا لوحدنا في الاستراحة اللي قدام اوضة التحقيق وقال وهو عينيه في الارض انا حقيقي مش عارف اقول لك ايه ولا ابرر ازاي لكن انا اقسم بالله كنت بقيت انسان كويس لغاية اول مره سبتيني فيها وطلبتي الطلاق وروحتي عند اهلك ووقتها حسيت ان الدنيا كلها بتتسحب تاني من تحت رجليا ووقتها رجعت انا هدخل اعترف بكل حاجه على الرغم من اني عارف انك خلاص مستحيل تكملي معايا ياريتك سبتيني مكمل بعقدة الذنب وماقلتيليش ان انا ينفع ارجع اعيش
وفعلا افرجوا عني وهو اخد حبس ١٥ يوم على ذمة التحقيق ووالدي تاني يوم راح زاروا وطلب منه انه يطلقني وانه لو ماطلقنيش هنرفع عليه دعوى تطليق وكان رده على والدي انه موافق وانه فعلا هيطلقني لكن بعد ما يشوفني وطلب يشوفني لآخر مره
لكن بالليل جالنا تليفون من ادارة القسم اللي كان محجوز فيه يوسف بإنه ماټ
بعد شهر تقريبا من الحالة النفسية اللي دخلت فيها من بعد مۏت يوسف بابا صمم يوديني لدكتور نفسي لان حالتي ماكانتش بتتقدم نهائي كان جوايا احساس بالذنب فظيع ناحيته وهناك بعد ما الدكتور سمع حكايتي من الأول للآخر قال _يوسف ماتعالجش بشكل كامل يوسف طلع على مرض نفسي اتأصل جواه كان عنده عقدة ذنب مسيطرة على الحياة اللي كان فاكرها حياة جديدة
وانتي قدرتي تخرجيه من عقدة الذنب دي فعلا لكن نفسيته الهشه استبدلت عقدة الذنب دي بحاجه كده ممكن نقول عليها بالبلدي عقدة نقص يوسف على طول الخط نفسيته ماتعالجتش وعشان كده كانت نفسية هشه مع اول صدمة قوية رجع ثوابت الحياة الجديدة دي ورجع لكن صدقيني حتى لو ماكانش قابلك خالص وكان فضل في الزون بتاعت عقدة الذنب بردو لو كان اتعرض لاي صډمه كان هيرجع عن ثوابت حياته الجديدة دي
مشكلتنا هنا ان احنا مش مؤمنين بالمړض النفسي مش مؤمنين انه بيغير في فسيولوجيا الدماغ يوسف دا كان لازم يفضل تحت متابعه واشراف وعلاج يمكن لسنين
فانتي يابنتي مالكيش ذنب غير جهلك
تمت
بقلم Abdelaziz
لا اله الا انت سبحانك اني كنت من الظالمين
