اكبر غلطة غلطتها في حياتي بقلم Abdelaziz

او اتنازل عنها لاخته لكن الحقيقة اني حاسس ان فلوس ابويا دي مش من حقي او خسارة فيا عارفه انتي ان القاټل في الشرع مابيورثش اللي قټله
وساعتها وقف عن الكلام شويه لكن بعدها تمالك نفسه وقال انا بقا قټلتهم الاتنين في اسبوع واحد.
ساعتها كنت حاسه إن أنا اللي عايزه أبكي مريت بمود كئابه غير عادي فقطعت كلامه وقلت _آه طبعا من حقك تعيش دا ربنا غفر لواحد قتل مية نفس وبعدين احنا كلنا أخطاء وهم بردو اخطأوا لما حاولوا انهم يقوموا خطأك بخطأ أكبر اللي زيك يا يوسف ماكانش ينفع يتجوز ويبقى مسئول عن بيت واسره الا لما يتأكدوا الاول انك بقيت كويس خاصة ان كان سنك صغير مش انهم يعملوا كده عشان يخلوك تبقى كويس وبدل ما كانت الكارثه على أد بني آدم ضايع لوحده بقت أسره ضايعه اما اللي ماتوا الله يرحمهم فدول كان قدرهم يموتوا احنا مجرد اسباب ولو انت ماكنتش موجود كان الف سبب غيرك ممكن يموتوا عشانوا بص يا يوسف انسى بقا انك حكيت لي اصلا وانسى حوار الخطوبه دا كمان انا اصلا كده كده رافضة المبدأ دلوقتي بس خلينا من هنا ورايح اصحاب بجد وعلى فكرة حلوه فكرة انك تبني نفسك لوحدك دي حلوه جدا كمان وعاجباني دماغك فيها جدا لكن لازم تتجاوز عشان تعرف تعيش واكيد باباك حاسس بيك دلوقتي واتطمن عليك انك بقيت كويس اللي تقدر تعمله بجد انك تزور قپره وتدعيله وهيوصله دعاك وهيعرف انك اتغيرت وان كل اللي عمله ماراحش هدر..
ونهينا مكالمتنا على كده وليلتها مانمتش طول الليل كان جوايا احساسين الاول اني اهرب واسيب الشغل وابعد عن يوسف دا خالص لاني كنت خاېفه اني اقرب منه مع حالة التعاطف اللي جوايا ناحيته والتاني اني لازم اساعده واقف جنبه عشان يكمل في طريقه لكن بمرور ايام بسيطة كان كل تواصلنا فيها في الشغل وعلى النت وفي الفون اكتشفت انه فعلا بني آدم معدنه طيب وابن ناس ومجتهد فعلا وبيحاول انه يطور من نفسه ويدرس عالنت وانه يمكن التجربه اللي مر بيها وخرج منها خلته انسان افضل واقوى كمان من اللي مامرش بتجربه ومن اللي فضل محپوس فيها وبعدها بدأت اشجعه انه يكون اجتماعي اكتر ويحضر الايفنتات اللي بيعملها زمايلنا في الشغل لما كان التيم بتاعنا بيتجمع مره او مرتين في الشهر بره الشغل وفعلا بدأ ييجي وبدأت لمحة الحزن اللي ملازماه تروح وواحده واحده بدأت علاقتنا تزيد وبدأنا نخرج سوى الحقيقة ماكنتش متخيله اني هلاقي حد يعاملني بالطريقة دي فاهمني جدا ودمه خفيف اوي وبيعرف يضحكني ومش شكاك ولا موسوس وعنده حاجه كده بيسموها سمو روح او سمو عن الصغائر وعنده خبره في الحياة
وفي الوقت دا وبعد شهور من اول مكالمه حصلت بينا كنت بدأت أسأل نفسي هو انا بدأت احبه فعلا ولا دا تعاطف معاه خاصة انه تقريبا كان ناسي خالص انه في يوم من الايام كان متقدملي يعني مابيجيبش سيرة حب او علاقة وبيتعامل معايا زي اخته اللي كان عرفني عليها بعد مازادت علاقتنا وكان واضح من الكام شات اللي عملتهم معاها انها اطيب منه كمان وپتخاف عليه جدا وسعيده جدا بالحاله اللي بقا عليها
لكن صاحبنا دا كان عامل من المريخ وفي الوقت دا اللي بقيت فيه كل شويه أسأل نفسي هو مابيقوليش بحبك ليه هو مابيجيبش سيرة