اكبر غلطة غلطتها في حياتي بقلم Abdelaziz

فاتت دي خالص وابدأ حياة جديدة معاك شهادة وهيبقى ليك بيت واسره وهعملك شركة لوحدك
فساعتها وافقت واتجوزت واستلمت شغلي وعدت فترة قصيرة كنت فعلا كويس فيها ومراتي حملت في ابني لاني بقيت راجل متجوز وفي ابن في الطريق وعندي شغل وحياة لغاية ما مراتي اللي ماكانتش تعرف اي حاجه عن الماضي بتاعي بدأت تلاحظ وبدأت تكبر مشاكلنا في الوقت اللي الشركة بدأت تخسر لدرجة اني مابقاش معايا اي سيولة وماكنتش حتى لاقي فلوس اشتري بيها وفي اليوم دا مراتي كانت بتلم هدومها عشان تروح عند اهلها بعد خڼاقه ضخمه بينا فشوفتها وهي بتطلع صندوق الدهب بتاعها عشان تحطه في شنطتها ووقتها شفت في الصندوق دا حل مشكلتي وروحت عشان أشده منها زي المچنون وبعدهغ مش فاكر ايه اللي حصل بالظبط لكن آخر حاجه فاكرها انها وقعت على بطنها وانا وقعت فوقها وبعدها مقاومتها وقفت فاخدت الدهب وهربت عشان اعرف بعد كام ساعه ان مراتي سقطت وهي في الشهر السابع وابني ماټ ومراتي كمان كانت ھتموت بس اتلحقت بعدها الاحداث اخدت منحنى مختلف خالص ابويا صمم ان ابني مش هيتغسل ولا يتكفن الا لما احضر غسله وتكفينه واني ادفنه بايدي وانزل بيه قپره لوحدي
وفي الوقت دا اهل مراتي كانوا رافعين دعوى عليا وماهديوش واتنازلوا عن الدعوى الا لما طلقتها وابويا عطاها كافة مستحقاتها وزيادة وخلال ايام بسيطة وبعد ما لم البلاوي اللي عملتها كعادته حصلت الصدمة الأخيرة پوفاة ابويا
اللي على الرغم من كل الفشل والفساد اللي كنت فيه واني كنت بعانده واسيبه الا اني كنت دايما مطمن طول ما نفسه في الدنيا كان ضهري وسندي وملجأي لو كل الدنيا داقت عليا
قالوا انه ماټ بازمه قلبية لكن الحقيقة انه ماټ من القهر على ابنه الضايع وعلى ابن ابنه اللي كان مستنيه حتى اختي من بعد دفنته قالت لي انسى ان ليك اخت خلاص
بعدها مريت بحالة اكتئاب ماظنش ان بني آدم في الدنيا يستحملها لدرجة اني ماكنتش قادر اتحرك فعليا من سريري كنت حاسس اني جماد كرسي ولا سرير ولا حتى حجره وكنت عايش على ازازة مياة جنبي كل ما ريقي يتحجر آخد منها شويه وفضلت في البيت يمكن خمس ايام لغاية ما بواب العمارة اتصل باختي وجات اخدتني للمرة الأخيرة
كنت بتعالج من حالة اكتئاب حاد نتجت عن عقدة الذنب جوايا وبعد ما طلعت روحت زورت قبر ابويا وابني اللي ماتوا بسببي ووعدتهم وانا ببكي اني هتغير بعدها روحت بيعت كل ورثي من والدي وحطيت الفلوس باسم اختي في حسابها وقررت ابدأ بنفسي حياة جديدة مالهاش أي علاقة نهائي بكل حياتي القديمة فاستلفت مبلغ لآخر مرة من اختي واخدت عربية امي الله يرحمها اللي كانت مرمية في جراج تبعنا من سنين ودلوقتي عدى عليا سنه تقريبا وانا عايش في حياتي اللي ببنيها بنفسي لكن تفتكري ان اللي زيي ينفع يرجع يعيش.
وقتها كنت مزهوله ومبرقه عينيا وانا بسمع له ماكنتش عارفه ارد اقول ايه اواسيه ولا اشتمه اشفق عليه ولا اتغاظ منه
فلقيتني بقول_ طب والقميص التومي دا جبته من حياتك الجديدة ازاي
وقتها ضحك فقلبتها هزار شويه معاه فقال لي بعد ما بطل ضحك دا كان هدية من اختي فماقدرتش ارفضها
بعدها رجع للجد تاني وقال بصي يا امل ممكن يكون صعب ان حد يصدق ان واحد معاه الفلوس دي كلها ومامدش ايده على مليم منها