اخويا الكبير قفل باب شقتي بوشي نور محمد
الباب كاد يتخلع من مكانه، وصوتمسموع من بره بيزعق باسمي بحدة
افتحي يا نور! إنتي فاكرة إنك هتهربي باللي سرقتيه؟ افتحي أححسن أكسر الباب على دماغك إنتي وابنك!
ده صوت.. محمود!
إزاي عرف مكاني بالسرعة دي؟ ومين اللي دله على بيت خالي حسين الهادي اللي ملوش في مشاكل الدنيا؟
بصيت لخالي بفزع، لكن خالي حسين مكنش مړعوپ خالص.. بالعكس، ابتسامة غريبة وهادية ظهرت على شفايفه، وقام وقف بكل ثقة، وهو بيقولي بهدوء تام وكأنه كان منتظر اللحظة دي بالظبط
خله يكسر براحته.. أهلاً بسي محمود في بيتك الجديد!
خالي حسين مبانش عليه أي خوف ولا ارتباك، بالعكس، مشي بهدوء وثبات لحد ما وقف قدام باب الشقة، ومد إيده فتح اللوك والترباس، وفتح الباب على مصراعيه مرة واحدة.
بره كان محمود واقف وشكله يهد الحيط من العصبية والڠضب، وعينيه طايرة في راسه، ووراه مراته سماح وراجل تاني غريب أول مرة أشوفه، وشكله كده سمسار أو محامي تعبان جابوه عشان يخلصوا بيه مصلحة سريعة. محمود أول ما شاف خالي حسين واقف في وشك، بلع ريقه وسكت ثانية واحدة من هيبة خالي، بس رجع فتعصب أكتر وزعق بصوت عالي ملا الشقة
أنت! إنت خبيت البت دي فين؟ وهات المفاتيح والورق اللي سرقوه من الخزنة فوراً، أقسم بالله لو مخرجوش دلوقتي لأكون مبهدلك ومطلع سمسمتك على عينيكم كلكم!
خالي حسين متهزاش، وفضل واقف حاطط إيديه في جيبه بكل برود، وبصله بنظرة حادة خلت محمود يرجع خطوة لورا من غير ما يحس. وقال خالي بصوت هادي وواضح زي الصخر
توطي صوتك وأنت واقف في بيتي يا محمود.. وتاني حاجة، مفيش حد سرق حاجة، لأن اللي بيتاخد بيرجع لأصحابه.. وأصحاب البيت ده قاعدين جوه مرتاحين، مش مطرودين في الشارع زي ما أنت عملت!
سماح مرات محمود متقدرش تسكت، دخلت بلسانها السليط وقالت بسخرية وقحة
يا سلام! أصحاب البيت كمان؟! البيت ده بتاع جوزي وبتاعنا ڠصب عن الكل، والبت أختك دي شطبت وخلصت، جات تجري على خالها العجوز عشان تطمع في ورث أخوها! يلا يا فقرية هاتي شنطتك وارجعي اعدي على السطوح فوق، إحنا محتاجين الشقة لناس تانية!
هنا.. حسيت إن روحي انتفضت. مبقتش قادرة أسكت ولا أخاف. سيبت يوسف نايم جوه في الأمان، وطلعت وقفت جنب خالي حسين، وبصيت في عين محمود وسماح وقلت بصوت ثابت أول مرة يطلع مني
فقرية؟! أنا بقيت فقرية يا محمود؟ ده أنت طلعت ولا حاجة.. ولا تملك حتى الطوب اللي واقف عليه!
محمود اټجنن، وصړخ فيا
انتي جنيتي يا بت؟! ده أنا أطردك وأرميكي في السچن وألفقلك قضية سړقة تخليكي ټندمي!
طلع خالي حسين الظرف الأحمر من جيبه بهدوء شديد، وطلع منه عقد البيع الأصلي والتوكيلات الشاملة، ورفعها قدام عيون
