راحت مع صاحبتها فطلبت منها

نيرة
بس يابت اتلمي انتي هتفضحيني ولا ايه ماتحطي لسانك جوه بوقك ياختي
رنا
طيب اهدي انا بهزر معاكي يانورة الله بقا
نيرة
خليكي متنيلة قاعده هنا وانا هاروح اعرف حكايتها ايه دي
وراحت لها نيرة وقالت لها
اهلا وسهلا انا نيرة وانتي اسمك ايه
ليلى
اسمي ليلى وفي الفرقة الرابعه ناقله من اسكندرية لهنا
نيرة
ايه ده معقوله دي بقا حد يسيب اسكندرية ويجي القاهرة في الزحمة والقرف ده المهم انتي نورتي ممكن نبقا أصحاب
ليلى
طبعا اكيد نبقا أصحاب انا اصلا لسه معرفش حد هنا خالص فى الجامعة دي وكده
نيرة
بكرة ياستي تتعرفي على كل اللي هنا اطمني على الآخر بس تعرفي انك حلوه اوي يا ليلي وزي القمر
ليلى
شكرا يا نيرة ده انتي اللي زي القمر والله طيب مش ممكن بقا نقوم عشان اشوف الجدول ايه وكده
نيرة
ااه طبعا يلا بينا نروح نشوف الجدول انتي هتنبسطي اوي معانا هنا في الكليه دي ولسه لما تتعرفي على باقي الشله كلها
وراحت ليلى واخدت جدول المحاضرات واتعرفت على رنا كمان اللي انضمت ليهم وقالت لها
ان شاء الله يا ليلي هتكوني معانا مبسوطة جدا
وفي الوقت ده جه شاب عليهم وقال لنيرة
ايه يا نيرة مش تعرفينا بالناس الجديدة دي انا حاسس انها وجه جديد مش كده ولا ايه
نيرة
ايوه يا حازم اعرفك يا ليلي حازم زميلنا في نفس الفرقة ويعتبر بقا حازم ده الكومندا بتاع الكليه يعني عشان ابوه واصل وكده
حازم
ياساتر يا رب على قرك يا شيخة اهو قرك ده اللي هيجبنا لورا
نيرة
الله يعني الحق عليا اني بعرفك بالناس الجديدة اتعرف لوحدك بقا انا مليش دعوة
حازم
ايوه انا هتعرف لوحدي اهلا وسهلا بيكي انا حازم
ليلى
اهلا وسهلا طيب ياجماعه انا سعيدة اوي اني اتعرفت عليكم عن اذنكم عشان همشي بقا
نيرة
رايحة فين يابنتي ما لسه بدري
رنا
اه صحيح ده لسه بدري ده حتى اليوم النهاردة مكنش فيه محاضرات كتيرة يعني احنا لسه هنخرج
ليلى
لا معلش اخرجو انتو انا مش هينفع عن اذنكم لازم امشي
نيرة
ااه انتي بقا اكيد شكلك من اللي بېخافو من بابا وماما صح
ليلى
ماهو انا لازم اعمل حساب ليهم برضو ولا ايه عن اذنكم
وسبتهم ليلى ومشيت ونيرة قالت
ده ايه ياختي ده البت دي شكلها مش بتجي غير بالحنية كده والله اعلم مش كده برضو ولا ايه
حازم
ناوية على ايه يانيرة بس البت عجباني اوي  المهم تاخديها تحت جناحك ماشي وبعدين نبقا نشوف هنعمل ايه معاها
حازم
اهدي بس يانورة اشي المهم بس انها تطمن لك على الآخر عشان تاخدي منها عنيها بقا وكده
نيرة
دي مش هتاخد في أيدي غلوه ياحبيبي وهتشوف
ورجعت ليلى البيت وامها قالت لها
ها ياحبيبتي ايه الاخبار اليوم كان حلو النهاردة ولا ايه
ليلى
اه ياماما كان حلو جدا انا اتعرفت على ناس معايا بنات حلوه اوي ومحترمين جدا
نهى
طيب ياحبيبتي كويس المهم انتي تخلي بالك من نفسك ومتامنيش لاي حد خالص ومش عايزاكي تخبي حاجة عني ماشي
ليلى
اكيد طبعا يا ماما مش هبخي حاجة عندك انا هدخل اوصتي ارتاح شوية
ودخلت ليلى اوضتها وعدت الايام وفضلت ليلى تروح الجامعة وعلاقتها بنيرة بقت أقوى وفي يوم قالت لها
انتي يابنتي مش ناوية بقا تدي لحازم ريق حلو الواد خلاص صبره نفذ منك
ليلى
لا يانيرة طبعا انا لا هديله ريق حلو ولا وحش انا مليش علاقه بيه خالص ماشي
نيرة
الله ليه بس يا ليلي