راحت مع صاحبتها فطلبت منها

عاصم وقال لها
هي ليلى فين يانهي انا خلصت الاكل وبغرف اهو
نهى
دخلت اوضتها تغير ياحبيبي انا مش عارفه اقولك ايه ياعصوم ياحبيبي ربنا مايحرمني منك
عاصم
ولا يحرمني منك يا قلبي انتي يلا بقا نادي على ليلى خليها تخرج عشان تاكل والاكل سخن ده انا عامل اكل يجنن
نهى
حاضر هنادي عليها اهو
وبعدها خرجت ليلى من اوضتها وهي لبسة بيجامة قطن وعامله شعرها ديل حصان وكان شكلها حلو اوي وعاصم انبهر من جمالها وقال لها
ايه ياست البنات كل ده بوغير ياعم انا كنت خاېف الاكل يبرد ومش هسخن تاني على فكرة
ليلى
لا تسخن تاني ايه بس ده كفايه تعبك معايا وعملت لي الاكل بنفسك وجبتني من المحطة لحد هنا ده كده كتير والله
عاصم
مايكترش عليكي يا ليلي واي حاجة تعوزيها اطلبيها مني علطول ماشي
ليلى
حاضر ياعمو انا بس كان ليا طلب صغير كنت عايزة اعرف هعمل ايه في ورق النقل عشان انقل الجامعة هنا في القاهرة
نهى
عمك عاصم هيعملك كل حاجة يا ليلي متشليش هم يابنتي مش كده ياعاصم
عاصم
ايوه طبعا يانهي انا موضوع النقل هنا ده يا ليلي خليه عليا وانا خلاص وعدتك انتي هجيب لك الورق هنا خلاص بقا
وفعلا تاني يوم عاصم كان بيجري في ورق ليلى عشان النقل وفعلا بعدها بكام ليلى اتنقلت وقالت لعاصم
انا مش عارفه اقولك ايه بجد اللي انت عملته معايا ده ياعمو عاصم
عاصم
انا معملتش حاجة خالص يا ليلي دي كلها تساهيل ربنا يابنتي وبعدين ده عشان انتي طيبة ونيتك صافيه الورق مشي زي الفل الحمد لله
ليلى
الحمد لله يارب انا كنت فاكرة لحاجة تعطل الدنيا دي والورق مايتقبلش هنا في القاهرة كنت هعمل ايه بقا
نهى
تفي من بوقك يا ليلي اهو الحمد لله يابنتي كل حاجة مشيت تمام المهم دلوقتي هتروحي من بكرة بقا الجامعة مش كده
ليلى
ايوه يا ماما المفروض اني اروح بقا من بكرة عشان الحق التيرم ده من أوله كده
نهى
يلا على خير ياحبيبتي ربنا يوفقك يارب ان شاء الله ادخلي انتي بقا وريحي من السفر
ليلى
حاضر ياماما انا متشكرة تاني مره ياعمو عاصم
ودخلت اوضتها وحست انها مرتاحة شويه وفي نفس الوقت مش مرتاحة بس قالت لنفسها
ان شاء الله اللي جاي كله خير يا ليلي تفائلي خير وركزي في دراستك وبس
وتاني يوم الصبح ليلى لبست هدومها وخرجت من الاوضة وكانت نهى بتحضر الفطار وقالت لها
صباح الفل ياماما بتعملي ايه ياحبيبتي
نهى
صباح الورد ياقلب ماما انا بحضر لك الفطار انتي وعمك عاصم عشان تفطروا قبل ماتنزلو عشان هو قال انه هيوصلك للجامعة
ليلى
لا لا كده كتير يا ماما انا مش عايزة اتعبة معايا خليه وانا هاخد تاكسي وخلاص واروح انا بدال ماهو يعطل نفسه
وخرج عاصم في الوقت ده وقال
ومين قالك بقا ان فيها عطلة ليا متقلقيش انا كده كده بروح براحتي ماهي شركتي بقا وكده
ليلى
ههههه اذا كان كده ماشي يلا بينا
ووصلها عاصم عند الجامعة وقال لها
تحبي ادخل معاكي يعني عشان اعرفك على الدنيا جوه عامله ازاي
ليلى
لا حضرتك اتفضل على شغلك وانا هتعامل بقا انا مع نفسي عشان اتعود وكده
عاصم
تمام طيب يلا امشي انا بقا مع السلامه خلي بالك من نفسك
ومشي عاصم ودخلت ليلى والبنات لما شافو واحده قالت للتانية
الحقي يا بت يانيره شوفتي مين اللي جايه هناك دي
نيرة
ودي ايه دي كمان شكلها وجه جديد في الكلية هنا بس دي ايييه صاروووخ يابت رنا ايه ده
رنا
فعلا دي صاروخ