راحت مع صاحبتها فطلبت منها

راحت مع صاحبتها فطلبت منها طلب غريب ولما رفضت خلصت عليها
راحت مع صاحبتها البيت فطلبت منها طلب غريب ولما رفضت خلصت عليها 
وقبل ما نبدأ حكايتنا اعرفكم على بطلتنا اسمها ليلى عندها 22 سنه وعايشة مع ابوها في اسكندرية لوحدهم وفي يوم ابوها تعب وراح المستشفى وهناك عمتها قالت لها
ابوكي مالة يا ليلي اكيد زعلتية ونكدي عليه مش كده ااه ما انتي طالعه لأمك كانت دايما تنكد عليه كده لحد لما طلقها وغارت راحت اتجوزت واحد تاني
ليلى
اولا ياعمتو انا معملتش حاجة لبابا ده هو اللي رجع من الشغل زهقان معرفش ماله وتعب انا مالي انا وامي كل شوية تتكلمي عنها كده
العمة
انتي بتعلي صوتك عليا يابت انتي طيب لما ابوكي يقوم بالسلامة انا هخليه يشوف له صرفه معاكي
ليلى
لما اكون عملت حاجة ابقي خلي بابا يقلب عليا وبعدين كفايه اللي هو في مفيش داعي بقا انك تزودي عليه ياعمتو
العمه
ماشي ياليلي هنشوف يابنت اخويا
وبعد ما عدى وقت وابوها في العناية الممرضة قالت لها
انتي الانسة ليلى المړيض اللي جوه عايز يشوفك
ودخلت ليلى عند ابوها وقالت له وهي بټعيط
بابا حبيبي انت عامل ايه دلوقتي طمني عليك يلا بقا يابابا قوم بالسلامة خلينا نرجع البيت
الاب بتعب
اسمعي يا ليلي يابنتي انا خلاص نهايتي قربت كده ومش هعيش كتير ويمكن مخرجش من هنا
ليلى
بس يابابا بلاش كلامك ده ارجوك انا عايزاك تقوم بالسلامة عشان نمشي من هنا
الاب
اسمعي بس الكلام اللي هاقولك عليه بصي الفيزا بتاعتي في الدولاب بتاعي فيها قرشين كويسين انا عايزك تسحبيهم كلهم وتاخديهم وتروحي تعيشي عند امك في القاهرة وتخليها تحولك الجامعة هناك
ليلى بټعيط
بس انا عايزاك انت يابابا وبس مش عايز اروح لماما انا
الاب
معلش يا ليلي انا مش هقدر اعيش لك يابنتي تاني انا كده كفايه عليا اوي انتي خلي بالك من نفسك عايزك تنجحي وتحققي اللي كنتي بتحلمي بيه
وبعدها الاب راح وفضلت ليلى ټعيط جامد وفضلت فترة قافله على نفسها بعد العزا بكام يوم عمتها قالت لها
هو ابوكي مسابش معاكي فلوس ولا حاجة يابت يا ليلي
ليلى بضيق
لا ياعمتي بابا ماسبش حاجة الله يرحمة وبعدين فلوس ايه اللي انتي بتدوري عليها دي ياعمتي ابويا راح خلاص اترحمي عليه وادعي له بدال ماتدوري على فلوس
العمه
بقا كده طييب ياست ليلى انا عايزة الشقه وياريت تاخدي بعضك وتمشي من هنا روحي عند امك
ليلى
والله انا كنت بجهز نفسي عشان امشي من هنا من غير ما انتي تقولي لي ياعمتي بس كنت مستنية ايام العزا تخلص
العمة
اهو ايام العزا خلصت اهيه اتفضلي بقا امشي من هنا ومترجعيش هنا تاني ماشي ياحبيبتي يلا عايزة انضف البيت ده
ودخلت ليلى اوضتها واڼهارت من العياط واتصلت على امها وقالت لها
ايوه ياماما بابا راح خلاص ومبقاش ليا حد في الدنيا غيرك عشان عمتي طردتني من البيت
الام
وهي تطردك ليه من البيت طبعا ملهاش حق انها تقولك امشي على العموم ياحبيبتي البيت مفتوح لك تيجي في اي وقت
وقفلت معاها امها وكان جوز امها قاعد جنبها وقال لها
في ايه يا نهى مالها بنتك بټعيط ولا ايه
نهى
بنتي مڼهارة ياعاصم على الآخر وتعبانة ابوها راح وسبها لوحدها علمتها اللي مش بترحم ولا بتسيب رحمة ربنا تنزل انا عارفاها من زمان
عاصم
طيب وايه المشكلة ماتخلي بنتك تيجي تعيش معانا هنا وبعدين البيت هنا بيتها وانا هعاملها زي بنتي بالظبط
نهى
بجد ياعاصم انا مش عارفة اقولك ايه ياحبيبي ربنا يخليك ليا يارب هي ممكن تيجي على