جوزي طلقني عشان يتجوز مرات ابويا

وطالب الموظفين يفتحوا له الملفات السرية للإدارة.
أنا كنت مديّة أمر للأمن إنهم يسيبوه يتكلم ويعيش الدور؛ عشان كل كلمة غبية ومغرورة بيقولها تتوثق وتتسجل عليه.
وأحمد بنفسه، بغبائه وطمعه، هو اللي سلمني أقوى دليل ضدة!
قبل الفرح بتلات أيام، كان سکړان من نشوة الانتصار، وسابلي رسالة صوتية على الموبايل بيقول فيها مرات ابوكى ميرفت هتاخد كل حاجة يا فريدة، وبمجرد ما أبقى جوزها هبقى أنا المتحكم فيها، ولما أتحكم فيها هبقى أنا الآمر والناهي في شركات الفيومي كلها.. كان أكرم لك تكوني لطيفة معايا من الأول.
أنا طبعاً أخدت التسجيل ده وبعته للمحامي بتاع أبويا، الأستاذ خالد.
ورد عليا بكلمة واحدة هاتي العلبة معاكي وتعالي الفرح.
فتح العلبة وسقوط الأقنعة
عند الكوشة، المأذون خلص وميرفت مضت، وأحمد مضى وبصوت عالي وكله فخر.
صوت السقفة ملى القاعة، وميرفت رفعت بوكيه الورد وكأنها فتحت عكا، وأحمد باس خدها وبصلي بثقة مريضة.
ساعتها، مرات ابويا شاورتلي وقالت قدام المعازيم بنتي جايبالنا هدية.. يا حبيبتي، رقيقة أوي.
الضحك والهمس اشتغل بين المعازيم في القاعة.
قربت من الكوشة بكل برود، وحطيت العلبة القطيفة على الترابيزة قدامهم.
الضحكة اختفت من وش أحمد فجأة، ووشوشني وهو مړعوپ فريدة.. بلاش فضايح، بلاش تعملي حاجة.
ميرفت مدت إيدها بلهفة تفتح الغطا وقالت دي مجوهرات؟
قولتلها لأ.. ده العدل.
فتحت العلبة.. ومكنش جواها عقد ولا ألماظ؛ كان جواها قلم الحبر القديم بتاع أبويا، القلم اللي مكنش بيستخدمه إلا في الإمضاء على العقود والورق المصيري.
وجنب القلم، كان فيه مفتاح فضة صغير.
ملامحها اتجمدت وقالت إيه ده؟
قولتلها بابتسامة نصر ده مفتاح الخزنة الخاصة بتاعة أبويا.. وده القلم اللي مَضى بيه على التعديل النهائي والأخير للوصية بتاعته.
أحمد وشه بقى أصفر زي الليمونة، وميرفت ضحكتها اختفت تماماً لأول مرة في اليوم ده.
ظهور المحامي والصدمة الكبرى
وقبل ما حد فيهم ينطق، قام الأستاذ خالد من الصف الأول؛ هو كان قاعد من أول الفرح في بدلتة الرمادي بكل هدوء وبيراقب احتفالهم.
قرب وقال بصوت جهوري هز القاعة يا مدام ميرفت.. يا أستاذ أحمد.. أنا بصفتي الموكل الرسمي عن تركة الحج منصور الفيومي..
القاعة كلها بقت حتة سكر، مفيش فيها نفس!
أمي حاولت تلم الموضوع وقالت بسرعة دي مسألة عائلية خاصة وبلاش شوشرة.
رديت عليها لأ، مابقتش خاصة من اللحظة اللي عزمتي فيها الصحافة والقنوات عشان تشمتي فيا.
الصحفيين والمصورين اللي كانوا واقفين ورا رفعوا موبايلتهم وكاميراتهم وبدأوا يسجلوا كل لحظة.
فتح الأستاذ خالد الدوسيه وقرأ الحج منصور الفيومي لم يترك أي أصول أو أسهم إدارية في الشركة للسيدة ميرفت. ومصروفها الشهري هيفضل ثابت ومقيد بشروط صرامة جداً، وأي محاولة منها لنقل، أو بيع، أو رهن، أو استخدام نفوذها في أصول الشركة.. هيترتب عليه حرمانها الدائم والنهائي من المصروف ده!
أحمد بقه اتفتح من الصدمة ومش مصدق.
كمل المحامي وقال