حمايا بيحطلي منوم في العصير كل يوم

وانت حر فيها ياخويا هو انا يعني اللي هاقول لك تعمل ايه ومتعملش ايه
حسين
معلش انا عايز اطمن عليها لما اشوفها دكتورة وبعدين ابقى أوافق على العريس اللي يناسبها
وانا في الجامعة لقيت هبه زملتي بتقولي
اسكتي ياداليا في دكتور جديد جاي لنا بس ايه شديد جدا وحاد في معاملتة
داليا
وايه الجديد ماهو كل الدكاترة كده شداد مفيش واحد رقيق كده وابن ناس كلهم عايزين يدو بالشوز علطول معرفش هما ليه دايما بيبقو عصبين كده
هبه
تصدقي نفس السؤال اللي بسألة لنفسي متعرفيش انا اللي مستفزين ولا هما اللي عصبيين ههههه محدش فاهم حاجة ابدا
داليا
على رأيك والله ماحد فاهم حاجة بقولك ايه يلا بينا على المحاضرة اللي ورانا ياختي
ودخلت المحاضرة ولقينا الدكتور الجديد داخل علينا وعرفنا بنفسه اسمة خالد وبعدها خلصت المحاضرة وانا خارجة قالي
لو سمحتي ممكن كلمتين بس
داليا
تحت امرك يادكتور اتفضل
خالد
بصراحة انا لفت نظري انك كنتي في المحاضرة بتكتبي كل كلمة بقولها وده نادر جدا لما الاقي طالب اوطالبه مهتمين بالمحاضرة كده وبيكتبو
داليا
بصراحة انا بحب اكتب كل كلمة بيقولها الدكاترة بحس اني بفهم اكتر لما برجع البيت وارجع الشرح بتاع حضرتك او اي دكتور تاني
خالد
واضح كده انك شاطرة وممتازة طيب ااا انا متعرفتش باسمك
داليا
انا أسمي داليا وبعدين هو حضرتك هتقرر عليا ولا ايه انا بحب المذاكرة ااه بس مش بحب حد يحسدني
خالد
لا متقلقيش انا مش هحسدك ولا حاجة انا بس بتمنى انك تفضلي على كده لان طبعا هيبقا في وشي لما يطلع من عندي طالبة ممتازة وكده
داليا
انا من ناحية الشطارة فانا شاطرة جدا يعني حضرتك بس لو عايز تعتمد عليا في اي حاجة هتلاقيني بسد علطول
خالد
ههههه واضح انك جدعه يا داليا طيب من ورايح انا موجود لو احتاجتي اي حاجة او اي شرح في المادة بتاعتي قولي لي وانا تحت امرك
داليا
ميرسي يادكتور مش عارفة اقول لحضرتك ايه كلك ذوق والله ااا عن اذن حضرتك
ومشيت من قدامة وهوفضل باصص عليا لحد لما مشيت خالص وفي البيت عند خالد رجع وباباه قاله
ها يادكتور ايه الاخبار قولي عملت ايه في الكلية الطلبة كويسين معاك ولا ايه النظام
خالد
طبعا يادكتور الطلبه كلهم رحبو بيا جدا وبقينا أصحاب من اول محاضرة
عبد الرحمن
بقيتو أصحاب انت ومين
خالد
ااا انا والطلبة يابابا ايه يادكتور عبد الرحمن ماتركز معايا كده اومال
عبد الرحمن
اااه ماشي انا مركز اهو ياسيدي المهم انت خلاص استقريت هنا مش ناوي تسافر أمريكا تاني ولا ايه
خالد
لا يادكتور اصل القاعده في مصر هنا شكلها هتعجبني اوي
عبد الرحمن
امممم ماشي يا دكتور خالد براحتك ياسيدي على العموم انا بس حبيت اطمن عليك اصل كنت بحسب الوضع هنا مش هيعجبك وتقولي انك هترجع تاني تسافر
خالد
لا ياحبيبي انا قاعد هنا أن شاء الله لو مكنش وجودي هيضايقك يادكتور
عبد