حمايا بيحطلي منوم في العصير كل يوم

داخل اوضتي قبل مايجرا لي حاجة
ودخل بابا وماما قالت لعلي
يعني عجبك كده يازفت انت علطول جايب لنا الكلام معاه
داليا
على فكرة بابا بيتكلم صح في كلمة قالها انت غلطان ياعلي وبابا خاېف عليك وعايز مصلحتك انت كان المفروض تذاكر وتجتهد اكتر من كده
على
بقولك ايه يا داليا نقطينا بسكاتك انا مش ناقصك ماشي ومتدخليش في اللي ملكيش فيه
داليا
حاضر ياعلي انت حر انا مليش دعوة بيك انا داخلة اغير هدومي
ودخلت اوضتي وعلى قال لماما
بقولك ايه ياست الكل ماتشوفي لي معاكي كده قرشين عايز اخرج مع اصحابي ومش معايا ولا مليم
فايزة
تصدق انك عيل ماعندكش ډم اوعي من وشي خليني ادخل المطبخ اشوف اللي ورايا
وفضل على واقف في الصاله يقوله
تصدقو بقا انتو عيلة نكد كلكم ده الناس ديه ياربي
ولقيته بيخبط عليا وانا قولت ادخل ودخل على وقالي
دودو حبيبتي تصدقي انتي اجدع واحدة في البيت ده متعرفيش انتي غالية عندي ااد ايه
داليا
عايز ايه اخلص ياعلي انا مش فاضيه لك
على
طول عمرك فقساني كده من غير ماتكلم طيب ياستي من غير لف ودوران انا عايز فلوس وربنا اخوكي مقشفر على الآخر
داليا
طيب وانا هجيب لك منين ياعلي ما أنا باخد مصروف زي زيك بالظبط هو انا يعني بشتغل وبجيب
على
يالله هو انا مش عارف اطلع من حد فيكم بمصلحة ماشي خلاص يا داليا مش عايز حاجة
ولسه هيمشي قولت له
طيب استني ياعلي خود دول كل اللي معايا اهم والله مصروف اسبوع
على
ياحبيبتي يادودو ربنا مايحرمني منك يارب ياغاليه انا هنزل بقا اخرج مع اصحابي ولو ابوكي سال عليا قوليلو نايم
داليا
لاااااا انا مش هكدب عليه مليش دعوة لو سألني عنك هاقوله معرفش هو فين
وبعدها بكام يوم جات عمتي عندنا وقالت لماما
عامله ايه يا فايزة والعيال عاملين ايه ولاني كنت حالفه اني مجيش هنا تاني
فايزة
ليه ياسامية هو في حد زعلك ولا ايه
سامية
ااه انتي مش فاكرة اخر مره كنت عندكم هنا وبقول لجوزك على العريس اللي كنت جيباه لداليا شوفتي طلع فيا ازاى مع ان اي اب بيفرح لما بنته بيجي لها عريس وده مش اي عريس
فايزة
معلش ياسامية انتي عارفه ان حسين عايز يشوف داليا دكتوره لما تكمل دراستها في الجامعة
سامية
وهو يعني العريس كان هيعطلها عن الدراسة في ايه ماهو كان هيخليها تكمل عادي هو قالي كده
فايزة
لا ياسامية ابوها قال لما تخلص دراستها تبقا تتجوز وتروح بيت جوزها
ودخل عليهم بابا وقال لها
ازيك ياسامية منورة
سامية
ده نورك ياخويا عامل ايه انا كنت معدية من قريب من هنا قولت اعدي عليكم واشوفك عامل ايه
حسين
فيكي الخير ياسامية وبعدين انا مش عايزك تزعلي مني من آخر مره اتعصبت عليكي فيها انتي عارفه موضوع جواز داليا ده انا رافضة تماما الا لما تخلص خالص وتبقا دكتورة
سامية
براحتك يا حسين دي بنتك برضو