عمي

بقا ياخد الحاجه مني
رقيه
بقولك اي يا محروس انجز علشان انا مش فاضيه للكلام الفاضي بتاعك ده
وبدل ما ازعق والم عليك الدنيا
محروس
اهدي يا حلوه مالك بتتكلمي بالشكل ده ليه
انا ممكن اكلم محمد واقولو انك بتعامليني معاملهم ناشفه
وساعتها متزعليش لما الي هيعملو فيكي
رقيه
بقولك هتخلص تتجيب الحاجه ولا اخد بعضي وامشي واعمل ما بدالك
محروس
استني يس هو انتي زعلتي ولا اي دا انا بنكشك بس
خليكي هنا هجيب ليكي المعلوم وهرجع علي طول
وبيروح جايبو ليا وبيخرج وانا بديلو الفلوس
ولسه جايه علشان امشي بلاقي البوليس طب علينا
الظابط
ولا وقعت يا محروس ومحدش سمي عليك
اخيرا مسكناك متلبس
امسك يا عسكري الواد والبنت دول وكلبشهم
رقيه
يلهوي يلهوي يا فضحتك يا رقيه ربنا ينتقم منك يا محروس
وعلي محمد في ساعه واحده انا كده بقيت رد سجون
يا فضحتك يا رقيه
محروس
اهدي يا حلوه كده هو انتي مش هتفضلي تولولي من اولها كده
اجمدي كده السچن للجدعان دا الواحد ما بيحسش ان عاش الا لما يجرب نومت البرش
رقيه
اكتم ربنا يكتمك ليل ونهار انا فيا الي مكفيني
ويريت تخرس بدل ما احولها لقضيه قتل
وفي الوقت ده واحد بيروح عند تيته وبيقولها
خالد
الحقي يا حاجه بنت ابنك راحت في حديده والبوليس طب عليها
وهيه بتاخد المعلوم من محروس ودلوقتي خدوها علي الاسم
الحما
يا اخبارك الي زي وشك يا خالد انا عارفه لما هليت عليا كده وانت جايب اخبار زي الزفت
خالد بضيق
تصدقي ان انا غلطان ان جيت علشان تتصرفو في المصېبه دي
علي العموم انا جيت علشان خاطر رقيه ملهاش ذنب في الي حصل وقولت انكم تتصرفو
وبيروح ماشي
واول ما بيمشي خالد بتروح تيته داخله عند محمد
الحما
قوم ياللي
تنام عليك حيطه يا بعيد انت نايم ولا داري الي حصل
محمد
بقولك اي يا اما وفري علي نفسك واطلعي بره واول ما الي البت رقيه لما تتهبب تيجي تدخل ليا علي طول
حسابها معايا بعدين علي التاخير ده
الحما پحده
الله يخريبتك ويخريبت الزفت الي انت بتشربو
بنت اخوك راحت في حديده وبتروح قايله ليه علي كل حاجه
محمد
وانتي بتقوليلي ليه ان شاء الله انا مالي بده كلو هيه الي حظها نحس
الحما
الله يخربيت سنينك بقولك البنت اتكلبشت مع الي اسمو محروس انت تروح القسم دلوقتي وتتصرف وتخرجها
محمد
دا انتي بقا مستغنيه عني خالص يا اما معقول عاوزاني اروح للحكومه برجليه الي اول ما هيشوفوني هيعرفو ان انا بضړب وهيحبسوني
الحما
طب انا هتصرف الزاي انا دلوقتي ان شاء الله في المصېبه دي
معقول هنسيب البنت كده لما القضيه تلبسها
محمد
بقولك اي اخرجي بقا علشان انا دماغي هتتفرتك مش كفايه ان جبتي الاخبار الحزينه في رجلك واتنتي داخله
اديني اقعد من غير الزفت الي بيعدل مزاحي
الحما
ربنا ياخدك يا شيخ عوض يا رب عليا عوض الصابرين
وبتروح ماشيه ورايحه عند ابراهيم الي بتقول ليه كل حاجه
ابراهيم
والله العظيم حرام الي انتم بتعملوه ده البنت هتروح في داهيه كده بسببكم فيها اي لو اسمعتو كلامي وخلتوها هنا عندي مكنش حصل كل ده
الحما
بالله عليك يا ابراهيم مش وقتو كلامك ده يا بني يا سيدي اوعدح لما بنت اخوك تخرج لو عاوز تاخدها خدها
انا معنتش هقولك علي حاجه لا
ابراهيم
وسعي كده يا اما خليني اغور انا مش فاهم اي المصاېب الي بتتحدف علينا دي
وبيروح ناول بسرعه
دلال
مش تقلقي يا حماتي ان شاء الله خير وابراهيم مش هيرجع الا برقيه
الحما
بقولك اي يا بنت هو انتي هتصاحبني ولا اي انجري ادخلي علي المطبخ شوفي هتعملي ليا اي زفت اشربو
بدل ما انتي واقفالي عماله ترغي كده
دلال بضيق
حاضر يا حماتي شوفي انتي نفسك