عمي

انت شايفاه مع ان مدحت قبل ما ېموت قايل ليا ان البنت تبقى معايا
بس اللي انت عايزاه يا حبيبتي
الام
الله انا عايزاه من البيت تبقى معانا يلا بقى انت يا حبيبي روح لمراتك وبعدها مشي وروح البيت
دلال
معلش يا حبيبي سامحني ان انا ما قعدتش انا عايزه كتير بس مامتك بصراحه فضلت تتريق عليا قوي قدام الناس وانا ما حبتش اكون مهزقه قدام حد
ابراهيم
ما فيش مشكله يا حبيبتي ربنا يهديهم والله على اللي هم بيعملوه المهم خدي الفلوس دي خليها في الدولاب معاكي بس اوعي تيجي جنبها الفلوس دي فلوس مدحت اخويا
دلال
نهار ابيض وانت جايبه عندنا ليه يا ابراهيم دي مسؤوليه كبيره قوي وانا مش حملاها بصراحه
ابراهيم
كلامك اللي انت بتقوليه ده هي فلوس اخويا مش هعرف احافظ عليها ولا ايه انا عارف ان محمد واخد البنت عنده عشان ياخد الفلوس دي والحمد لله انا جبتها
دلال
ربنا يخليك يا حبيبي وانا عارفه ان انت بتعمل كده علشان خاطر البنت الغلبانه تعرف تتجهز
وبعدها فعلا دخلت الفلوس وفي بيت
جدتي دخلت وقالت
الجده
انا عارفه يا حبيبتي انك ما عرفتيش تاكلي لقمه من الصبح من مستشفى ع الترب على عزاء ما عرفتيش ترتاحي شويه هخش اعمل لك
لقمه كده تاكليها
رقيه
بصراحه مش قادره اكل اي حاجه انا هدخل انام شويه لان حاسه ان انا تعبانه جدا
محمد
بس يا رقيه هي الفلوس بتاعه ابوكي فين انا كنت عارف ان هو معاه فلوس كثيره واحنا ما لحقناش نعمل العمليه يعني
رقيه
هو ساب الفلوس مع عم ابراهيم هما موجودين معاه دلوقتي
الام
نعم نعم يا حبيبتي يعني ايه ان شاء الله موجودين مع عمك ومقلتيش الكلام ده واحنا قاعدين في البيت هناك ليه
محمد
اهدي بس يا ماما ما ينفعش كلامك اللي انتي عماله تتكلميه ده ادخلي ريحي يا حبيبتي جوه
وبعدها دخلت وهو اقعد جنب جدتي وقال
محمد
ما ينفعش انك تكلمي بالطريقه دي قدامها علشان هتروح وتقوله كل حاجه اصبري واحنا بذوق هنعرف ناخد الفلوس دي
الام
لا انا هطلع عينك فانت دبستني في البنت كده دلوقتي هصرف منين يا خفيف عليك وعليها
محمد
روحي ياما بلاش تتكلمي بالطريقه اللي انت بتتكلمي بيها دي وبعدين يعني لو مش هتاخدي الفلوس اللي معايا هتاخدي المعاش بتاعها هي مش قاعده معانا
الام
لا بس انا ما اتاخدش على قفايا والفلوس تتاخد مني بالطريقه اللي اتاخدت بيها دي
محمد
عيب عليك الكلام اللي انت بتقوليه ده عمرك مشيتي ولا محمد وخسړتي امشي ورايا بس وانتي هتكسبي ذهب وبعدها فعلا
فضلت جدتي ساكته
وبعد يومين جه عمي ابراهيم
ابراهيم
عامله ايه يا رقيه انا قاعد بره بقالي ساعه وانت ما خرجتيش تسلمي عليا يعني مالك شكلك عامل كده ليه وهيكون حد زعلك
رقيه
والله يا عم انا مش مرتاحه هنا ما تعرفش جدتي عامله معايا ايه ده غير ان عماله تقول لي لما ينزل معاش هتاخده وتصرف بيه على البيت
ابراهيم
والله كنت متوقع ده منها على العموم يا حبيبتي ما تزعليش نفسك خالص انا هحللك الموضوع ده
وبعدها دخل محمد وقال
محمد
كويس ان انت هنا علشان خاطر كنا عايزين نجيلك هو انت لما اخذت الفلوس من مدحت الله يرحمهم ما قلتش لنا ليه هي مش المفروض الفلوس دي تتوزع بما يرضي الله
ابراهيم
تتوزع بما يرضي الله على اساس ان انت تعرف ربنا كويس قوي علشان خاطر تتكلم بالطريقه اللي انت بتتكلم بيها دي وبعدين هو انت ناسي ان عنده بنت على وش جواز ولا ايه
محمد
ايه يعني ان شاء الله ما هو معروف