ابويا مشاني من البيت

ايه انا ماشي والله ما انا قاعد لك في البيت يلا اشبعي بقا بيه
قال كلامه ومشي وخرجت ندى من جوه وقالت لها
في ايه يا ماما هو انتي كل شوية تتكلمي عن شهد كلام مش كويس حرام عليكي كلنا عارفين ان شهد بنت عمي كانت متربية كويس ومؤدبة
روحية
نعم ياروح امك وانتي كمان بتدافعي عنها ليه يابت انا غلطانة اني كنت بخلي البنت تيجي تقعد معاكم تصدقي اني فعلا غلطانة
ندى
يا ماما والله حرام عليكي بجد حرام متتكلميش عليها تاني لو سمحتي الله يخليكي
روحية
امشي يابنت عماد من قدامي بدال ما قوم لك بالشبشب امشي يابت انجري من قدامي
ومشيت ندى من قدامها وخرجت أميرة وقالت لها
ياماما ما انتي عارفه ان ندى بتدافع عن شهد لأنها كانت بتحبها اوي عشان كده تلاقيها بتتكلم عليها كويس
روحية
وانا مش عايزاها تتكلم عليها لا بالۏحش ولا بالكويس ياختي واقفلي على السيرة دي عشان الموضوع ده بيعصبني جامد
أميرة
طيب ياماما دلوقتي شهد راحت خلاص وموضوعها اتقفل طيب افرضي مثلا مثلا يعني ان واحد زي وليد ابن عمي ده وجه اتقدم لي مثلا يعني انتي هتوافقي عليه
روحية سمعت كده وشاطت وقالت لها
انتي بتقولي ايه يابت انتي مين ده اللي يجي يتقدم لك ده ده بعينة هو واللي خلفوه انا لا يمكن اجوزك لواحد اخته كانت ماشية في البطال ابدا
أميرة
ياماما ماقولنا لك ان شهد عمرها ماتعمل حاجة زي دي الله بقا ياماما
روحية
انتي شكلك انتي واختك مش ناوين تجبوها معايا لبر انا مش عايزة اشوف وش واحدة فيكم النهاردة انتي سامعه يابت قال يتقدم لك قال اهو ده اللي كان ناقص
دخلت أميرة عند ندى في الاوضة وقالت لها
شوفتي امك مبقتش طايقه تسمع سيرة وليد كمان بسبب اللي عملته الزفتة اخته اللي غارت دي
ندى
استغفر الله العظيم يابنتي والله اللي انتو بتعملو ده حرام ياجماعه البنت بين ايد ربنا حرام عليكم بقا حرااام وعيطت ندى
أميرة
خلاص ياندي متعيطيش انا والله ماقد اصل انا الصراحة كده كنت مستنية وليد يجي يخطبني من بابا بس طالما ماما قفلتها كده يبقا انا مش هتجوز وليد
ندى
ليه يا أميرة هو انتي ووليد بتحبو بعض يا أميرة على فكرة وليد اكبر منك بكتير ومينفعكيش اصل بغض النظر عن ان اخته شهد او غيرها
أميرة
ومالو بقا وليد ياست ندى ها ماله ده واد حليوه وكل بنات البلد ھتموت عليه ولا يمكن تكوني عينك منه وعشان كده مش عايزاني اتجوزة انا
ندى
والله انتي مچنونة وعقلك مفوت اصلا انا بتكلم معاكي ليه المهم ان اصلا بابا مش هيوافق عليه لأنه اكبر منك بكتير وانتي بلاش تفكري فيه يا أميرة انتي لسه صغيرة
أميرة
لا يا ندى انا مش صغيرة وبحب وليد ومش هتجوز غير وليد اصلا ماشي ياندي وانتي خليكي بقا في حالك وبعدين ده انتي اللي مفروض تبقى موافقه مش وليد ده اللي اخته كانت بتحكي لك كل حاجة عن أسرارها وعلى فكرة انا كنت بسمع بتقولك ايه ووليد كمان عارف
بصت لها ندى پصدمة وقالت لها
انتي بتقولي ايه يا أميرة انتي بتقولي سمعتي سمعتي ايه ووليد عرف ايه انطقي يا أميرة انتي سمعتي ايه وروحتى قولتي ايه اتكلمي
أميرة
سمعت شهد وهي بتقولك انها متجوزة عرفي وان ابوها على علم بده وجوزها من ورا وليد 
ندى پصدمة
ط ط طب وانتي قولتي ايه لوليد انتي قولتي له كل ده يا أميرة
أميرة
ايوه حكيت له كل حاجة عن اللي سمعتها منك انتي وهي وقالي