ابويا مشاني من البيت

معاهم وقاله
جرا ايه يا سيد ياجدع في ايه مالك ومال الواد ماتسيبة في حاله مش كفايه اللي هو فيه ولا ايه
سيد
ياعم انا جيت جنبة انا بس بفهمة هما دلوقتي بقو ايه وأهل البلد بيقولو عليهم ايه اللي كانو رافعين مناخيرهم في السما وابوه مرضاش يجوزني لاختة
وليد
ابويا كان بيرفض اي حد من طرفي مش انت بس لانه كان شايف كل اصحابي صايعين عشان كده مكنش بيرضي
سيد
اهي اختك راحت في شربة مايه وابوك كمان راح يا عيلة واطية انا قايم ياعم فوزي من قدام الواد ده لاني مش طايقة ولا هو ولا ابوه
وقام سيد وسابهم ومشي وفوزي قال لوليد
تحب اوصلك للمكان اللي انت قاعد فيه ولا هتعرف تروح لوحدك في الحاله اللي انت فيها دي
وليد
لا هعرف ارجع انا ماشي

فوزي
طب علي مهلك بقا ياعم وليد ومشي وليد وفوزي ضړب كف على كف وقال
لا حول الله يارب الواد عقله مبقاش فيه ياجودعاااان ماهو معذور برضو دي ڤضيحة
وعدت الايام وفي مكان تاني كان قاعد ابو وليد وشهد وبيشرب شاي ودخل عليه على اللي كان متجوز شهد وقاله
انت هتفضل قاعد كده اربعه وعشرين ساعه يا راجل انت انا زهقت منك خالص
هو
طيب اروح فين بس ياسي على ما انت عارف انا لو ظهرت الحكومة هتقبض عليا پتهمة اني قټلت بنتي وانت عارف اني مقتلتهاش
على
وانا ذنبي ايه يعني انا مالي بالكلام ده اصلا وبعدين مين اللي قتل شهد لما مش انت اللي عملتها انا قولت لك خلصني من اللي في بطنها مش تخلص عليها هي انت اللي غبي يافتحي واتغبيت عليها لحد لما راحت في ايدك
فتحي
والله يا علي بيه مش انا اللي قټلتها صدقني مش انا والله انا معرفش مين اللي عمل فيها كده اصلا السر مكنش حد يعرفه غيري انا وانت وشهد الله يرحمها هيكون مين يعني اللي يعرف حكاية اني مجوزلك شهد في السر وحملت منك
على
وانا اعرف بقا تلاقيها قالت لاخوها ولا لأي حد مثلا بقولك ايه انت اتصرف وغور من هنا لاني زهقت من وجودك عندي هنا انا مبقتش عارف اقول للناس ايه انت تبقا مين وانا مخبيك عندي زي الحرامية وقتالين القټله كده
فتحي
طيب اديني يومين بس اظبط فيهم اموري وامشي من هنا يا بيه انت عارف انا مليش حد خالص اروح له ولو رحت عند حد من اخواتي مش بعيد يبلغو عني
على
هما يومين مفيش غيرهم وتغور من هنا خالص انت سامع ولا لا
فتحي
طيب ما تشوف لي قرشين معاك يابيه انا مبقاش معايا ولا مليم اصرف منه اعمل ايه
على
وانا اديك فلوس ليه يا حبيبي 
فتحي
ابوس ايدك يابيه انا مش معايا ولا مليم اي حاجة بس امشي بيها نفسي
في اللحظة دي على طلع شوية فلوس راح راميهم في وشة وقاله
خود حار وڼار في جتتك راجل واطي
قال كلامه وسابة ومشي وبيت عم شهد اللي يبقا اخو فتحي مراتة قالت له
هو لسه مفيش اخبار عن اخوك ياعماد انا كده بصمت بالعشرة ان هو اللي قتل بنتة بس البت تستاهل مقصوفة الرقبة دي اهي خلتك ما انتش عارف تمشي في البلد مش اللي عملته
عماد
يافتاح ياعليم يارزاق ياكريم ياولية اصطبحي على الصبح وبطلي تتكلمي عن البت اللي في دار الحق دلوقتي واحنا في دار الباطل وبعدين انتي عندك بنات عيب كده
روحية
فشررر ياحبيبي بناتى هو في زي بناتي في اخلاقهم ولا تربيتهم انا بناتى محدش يقدر يجيب سيرتهم بحاجة ياحبيبي
عماد
بقولك