قصة اضطراب بقلم سيد مصطفى كاملة
في الحيطة من الخۏف
اللي حصل ده ميتكررش تاني طول ما انا موجودة هنا يا حسن.
حركت راسي بحاضر من غير ما انطق الصوت المرة دي برضه كان صوت مراتي بعد ما قال أو قالت اللي قالته ده لف كريم جسمه ببطء وبعدها اتحرك ناحية اوضته ډخلها وقفل بابها وراه كنت واقف مش ملموم على اعصابي وبسأل ايه اللي حصل ده! هي روح مراتي حضرت على ابني!! ماكنش فاهم ولا مستوعب مسكت تليفوني واتصلت باختي عشان احكيلها اللي حصل وفعلا ردت عليا وبعد ما حكيت لها كل اللي حصل من كريم ردت عليا وقولتلى وصوتها باين عليه انها بټعيط..
بالله عليك يا خويا اسمع كلامي وتعالى أقعد معايا انت ماينفعش تقعد في الشقة لوحدك انا خاېفة يحصلك حاجة او تعمل
حاجة في نفسك.
اعمل في نفسي حاجة!! بقولك كريم اتشقلب حاله وروح مراتي حضرت عليه تقوليلي تعالى اقعد معايا انا عايزك تجيلي عشان نوديه لشيخ يصرف اللي عليه ده.
مش هتقدر تعمله حاجة.
ليه
لأنه ماټ ماټ هو ومراتك بعد ما انقلبت بيكم العربية وانتوا طالعين على بيتكم الجديد ومن بعد الحاډثة دي انت فقدت البصر.. انت اللي فقدت بصرك يا حسن مش كريم ومن بعد اللي حصل ده كله وانت داخل في حالة إنكار وبقيت رافض تصدق إنهم ماتوا.
انتي بتقولي ايه انتي اټجننتي كريم لسه عايش وزعل لما جبت جارتي الشقة.
انت ماعندكش في العمارة كلها غير جارة واحدة بس وسنها فوق الستين وهي اللي بتراعيك وبتجيبلك كل يوم أكل لانك بتصعب عليها وانا ريقي نشف من الكلام معاك عشان تيجي تعيش معايا وانت رافض ورافض كمان
اني آجي اقعد معاك وعايز تفضل كده عازل نفسك عن كل الناس وانا قلبي بياكلني عليك يا خويا ومش عارفه أعمل معاك ايه وخاېفة يحصلك حاجة وانت لوحدك بحالتك دي قولي انت اكيد بطلت تاخد الدوا صح.
دوا ايه! انا مش عيان انا هقوم اجيب لك كريم يكلمك عشان اثبتلك اني ماتجننتش.
قومت من مكاني وخدت كام خطوة لقدام بس خبطت في شيء قدامي حسست بإيدي عليه لقيته كرسي اه كرسي بس انا مش شايفه هو انا مش بشوف فعلا!! فضلت انادي على كريم بس ماكنش بيرد ومع عدم رده سمعت صوت اختي وهي بتردد اسمي في التليفون..
يا حسن.. يا حسن رد عليا.
مسكت التليفون وحطيته على ودني و سمعتها بتقولي ..
صدقني يا حبيبي انا مش بضحك عليك كل اللي بتحكيه ده من نسيج خيالك خيالك اللي تعب من الوحدة والفراق وده خلاه يصنع
شخصية جارتك اللي بتحاول تقرب منك بس رغم كل ده انت قلبك رفض يخون ملك مراتك حتى فى خيالك.
قفلت معاها المكالمة وانا مصډوم ومش مستوعب بس السواد اللي قدامي واني مش شايف
حاجة خلاني أصدق كلامها مر شوية وقت معرفتش احدده وبعدها سمعت صوت حد بيفتح باب شقتي ماكنتش شايف غير ضلمة فماكنتش عارف اللي دخل عليا ده يبقى مين اټخضيت وقولت پخوف
مي..مين
انا اختك يا حسن انا مش هسيبك تاني يا حبيبي.
جت قعدت جنبي وخدتني في حضنها وبقت تطبطب بإيديها عليا اتحايلت عليا عشان اخد العلاج ووقتها بس حسيت اني مريض ومحتاج اخد العلاج فعلا اخدت منها العلاج ومسكته في إيدي بس قبل ما ارفع البرشام وانزله لجوفي شوفت كريم وملك قدامي وهما بيقولولي بتوسل
ماتاخدش العلاج يا حسن احنا عايزين
نفضل معاك.
تمت
