حمل ارمله حصري حكايات زهرة

نسا وتوليد كبير، بروفيسور معروف. حكينا له الموضوع بشيء من التحفظ، والدكتور طلب تحليل ډم رقمي للحمل BetaHCG وأشعة سونار متطورة ثلاثية الأبعاد.
سحبوا مني الډم، وأنا كنت حاسة إن روحي هي اللي بتتسحب. قعدنا مستنيين النتيجة في الممر، الساعات كانت بتمر كأنها سنين. وأخيراً، الممرضة ندهت على اسمي عشان ندخل للدكتور نعرف النتيجة اللي هتقرر يا إما حياتي... يا إما نهايتي.
دخلنا مكتب الدكتور، وكان باصص في الأوراق بتركيز شديد وعاقد حاجبيه. أبويا قدم رجل وأخر رجل وسأله بصوت مرعش خير يا دكتور؟ طمنا.. النتيجة إيه؟
الدكتور قلع النظارة وبصلي بنظرة كلها حيرة وعطف، وقال يا حاج.. التحليل الرقمي للحمل طالع إيجابي فعلاً، ونسبة الهرمون عالية جداً وتتطابق مع الأسبوع الخامس أو السادس بالظبط.
أخويا محمود اتعصب وقبضة إيده اتقفلت، بس الدكتور رفع إيده بسرعة وقال استنوا بس، اسمعوني للآخر! أنا مخلصتش كلامي. السونار المتطور اللي عملناه من شوية أظهر حاجة غريبة جداً... حاجة الدكتورة الأولانية بقلة خبرتها أو بجهازها القديم مشافتهاش.
أنا قلبي دق بسرعة وسألت بلهفة ودموع أظهر إيه يا دكتور؟ بالله عليك قول!
الدكتور لف الشاشة الكبيرة ناحيتنا وقال في السونار العادي، الكيس ده بيبان كأنه كيس حمل طبيعي في الأسبوع الخامس. لكن مع التدقيق والتحليل الرقمي، ده مش حمل حقيقي يا جماعة! دي حالة طبية نادرة اسمها الحمل العنقودي الجزئي أو الكاذب الناتج عن خلل هرموني حاد وبقايا أنسجة قديمة!
أبويا ومحمود بصوا لبعض مش فاهمين، فالدكتور كمل يشرح المدام كانت حامل فعلاً من جوزها الله يرحمه قبل ما ېموت مباشرة، يعني من حوالي ست شهور. لكن الحمل ده مكملش وحصل فيه ضمور وماټ في أول أسابيعه بدون ما ينزل، وبسبب الحالة النفسية الشديدة والصدمة اللي عاشتها بعد ۏفاة جوزها، جسمها منضفش الرحم، وفضل الكيس ده موجود وخامل. من حوالي شهر، حصل خلل هرموني مفاجئ ونشاط في الخلايا دي تاني، فبدأ الهرمون يعلى وكيس الضمور ده يكبر تاني كأنه حمل جديد! دي حالة طبية معروفة علمياً باسم الحمل العنقودي الخامل اللي بينشط بعد فترة.
لما سمعت كلام الدكتور، وقعت على ركبي في الأرض وبكيت بكاء هستيري، كنت بضحك وبعيط في نفس الوقت وأنا بقول الحمد لله.. الحمد لله يارب! ظهرت براءتي! أحمد مخدوعتش.. أحمد أنا ملوثت اسمك!
أبويا دموعه نزلت وأخدني في حضنه وهو بيترعش سامحيني يا بنتي.. سامحيني إن الشك دخل قلبي ثانية واحدة. الحمد لله إن ربنا نصرك. محمود أخويا راح للدكتور وباس رأسه من الفرحة، وطلب منه تقرير طبي رسمي ومختوم بختم المستشفى وبشرح تفصيلي للحالة.
أخدنا التقرير ورجعنا على منطقتنا. أبويا جمع أعمام أحمد وحماتي في بيت العيلة، ورمى التقرير الطبي على التربيزة وقال بصوت عالي سمّع الكل بنت الأصول اهي!