في يوم الرئيس مبارك رجع بيته
المصنع لحد ما وصله..
وكلمه وقال له على اللي حصل وبلغه إن الريس عايز يشوفه بكرة..
وفي الميعاد صاحب المصنع وصل الرياسة وقعد في صالون القصر والرئيس مبارك جاله بعد دقايق وابتدى يتكلم معاه وقال له إيه الشغل الجامد اللي أنتم عاملينه ده
صاحب المصنع حكى قصته كلها للريس..
وبعدين مبارك سأله طيب انت عندك أي مشاكل في الشغل
الراجل قال له لا يا ريس.. مفيش مشاكل الحمد لله والدنيا ماشية كويس.. أنا بس منتظر المحافظة تخصصلي الأرض اللي معمول عليها المصنع..علشان ناوي نتوسع ونجيب معدات من بره.
مبارك نادى على سكرتيره وطلب المحافظ وقال له تخلصوا كل حاجة للراجل وتدوه الأرض.
المحافظ أدي التمام للرئيس..
وصاحب المصنع خرج وهو مش مصدق نفسه من الفرحة..
وبعد كام شهر الرئيس مبارك افتكر صاحب المصنع فطلب من مسئول الإنشاءات بالرئاسة يكلمه ويسأله على أحواله..
وهنا حصل اللي محدش يصدقه..
مسئول الرئاسة لما كلم صاحب المصنع الراجل تقريبا مكنش عاوز يرد عليه.. فسأله في إيه.. فرد أبدا.. أنا متشكر لسيادة الرئيس وسيادتك..
قاله طيب الريس عاوز يشوفك..
صاحب المصنع رد معلش سامحني مش هقدر!
مسئول الرئاسة قاله
انت بتقول إيه!.. انت مش عاوز تيجي تقابل الريس!
صاحب المصنع رد
أنا آسف.. مقصدش.. بس انت متعرفش اللي حصل لي بعد أول مرة.
وابتدى يحكي إن المحافظ بعد ما الريس كلمه راح لاغي الترخيص المؤقت اللي كان شغال بيه وهدده يا يخلي المصنع ويسلم الأرض يا إما هيتحفظ على المصنع باللي فيه..
مسئول الرئاسة قفل معاه وراح حكى لمبارك كل حاجة..
وهنا الرئيس انفعل بشكل مش طبيعي.. وكلم رئيس الوزراء وقتها الدكتور عاطف صدقي وقاله ابن ال المحافظ يروح بيته دلوقتي حالا ومش عاوز أسمع اسمه في أي حاجة تاني.
رحم الله الرئيس مبارك وغفر له.
