في يوم الرئيس مبارك رجع بيته

في يوم الرئيس مبارك رجع بيته

في يوم الرئيس مبارك رجع بيته في مصر الجديدة فلقى صنايعية شغالين في الدور الأرضي وقالبين الفيلا.
وبعد ثواني نادى على مسئول الإنشاءات في رئاسة الجمهورية وسأله أنتم بتعملوا إيه هنا
الراجل رد يا فندم.. الهانم طلبت تغييرات في لون الحيطان والستاير اللي في الدور الأرضي علشان بقالهم فترة طويلة متغيروش.
مبارك وشه بان عليه الڠضب وقاله وطبعا البيت هيتقلب مورستان يومين تلاتة.. ما كنتم تشتغلوا في أي وقت تاني.
مسئول الإنشاءات حاول يهدي الرئيس وقال له لا لا يا ريس.. الموضوع مش هياخد ساعتين تلاتة.. سيادتك هتستريح شوية وأول ما تنزل هيكون كله تمام والعمال خلصوا.
مبارك قال له يا سلام إزاي يعني.. ما أنا عارف النقاشة والدهانات بتاخد وقت قد إيه.
مسئول الإنشاءات في رئاسة الجمهورية قال للرئيس إحنا جايبين دهانات حديثة  بتنشف بسرعة جدا.. وزي ما قلت لحضرتك ساعتين بالضبط.
مبارك رد دهانات جديدة يعني مستوردة أكيد!.. ودي مين اللي هيدفع فلوسها
الراجل قال لا يا ريس.. الدهانات مصنوعة هنا في مصر.. إحنا جايبنها من مصنع جديد شغال في مدينة برج العرب..
بيجيبوا الخامات من بره ويصنعوها هنا.
مبارك مقتنعش بالكلام بس قاله طيب لما نشوف.
وبعدها طلع الدور التاني علشان يستريح بعد الغدا زي عادته دايما..
وفعلا نام 3 ساعات وبعدين نزل..
ولما نزل لقى الحيطان ادهنت والستاير اتغيرت والعمال مالهمش أي أثر.. وملقاش قدامه غير مسئول إنشاءات الرئاسة.. فقاله ده انت كنت بتتكلم جد بقى.. إيه حكاية المصنع ده
مسئول الرئاسة رد المصنع شغال في مدينة برج العرب الصناعية.. وصاحبه مصري.
الريس قاله طيب أنا عاوز أشوفه على طول.. كلمه وقوله يجيلي.. بس خلي الموضوع بينا ومحدش يعرف عنه حاجة.
الراجل خرج من عند مبا وابتدى يدور على رقم تليفون صاحب