قصة إمراءة لا تقهر

ضيوف
بصتلي پصدمة واضطرت تستأذن علشان ميحصلش
ليلي بهمس ايه الي جابك يابت انتي هنا وانت ياايمن ازاي تدخل الاشكال دي هنا
ليلي عايزة تعرفي قولنا ايه 
حلو كدة 
يلا امشي من هنا
هويدا مش همشي
هويدا مش هتعدي علي خير غير لما اعرف عملتوا فيا انا كدة ليه
ليلي عايزة تعرفي ليه 
هويدا اههه
ليلي علشان دايما انتي احسن مني في كل حاجة
امك الي انا قولتلك عليها خدامة وبتشتغل في البيوت المرة الي فاتت احسن من امي الي كانت دايما رمياني عندكم دايما
حتي في الدراسة
كنتي بتقفلي في كل المواد وانا دايما بنقص كتير وكل المدرسين يقولوا ليلي فاشلة عكس خالص صحبتها الي دايما معاها
انا بكرهك ياهويدا 
طول عمري
انا عمري مااعتبرتك اي حاجة غير عدوتي
وهعمل اي حاجة علشان أذيكي
اي حاجة
مسكت بطنها جامد وهي بتتألم ف جري عليها ايمن
ايمن امشي بقي غوري من وشنا! 
مشيت وانا مش عارفة اعمل ايه
انا بقيت دايما مش عارفه اعمل حاجة 
انا بقيت عاجزة عن التفكير حتي! 
روحت شقتي لقيت مازن قاعد مستنيني
مازن كنتي فين ياهانم
رديت عليه بتعب عايز ايه يامازن
مازن لما اسألك سؤال تردي بايجابة مش بسؤال تاني
هويدا امي تعبت شوية
مازن الف سلامة عليها
طب انا عايز افاتحك في موضوع
هويدا مش قادرة دلوقتي
مازن دة موضوع مهم جدا ميستناش اي حاجة 
قعدت علي الكنبة وانا عارفة هو هيقول ايه
مازن بصراحة كدة انا هتجوز
هويدا اه بعدين 
مازن بعدين ايه
انا هتجوز
هويدا اقوم ازغرط يعني 
عايز ايه
مازن يعني انتي موافقة 
هويدا موافقة بس 
دة انا هاجي معاك كمان
سيبني انام بقي
دخلت نمت وتاني يوم قالي علي الميعاد الي هو في نفس اليوم بصراحة مكنتش مضايقة لاني كدة كدة مظبطة اموري
دخلت انا وهو وقعدت جمبه 
مازن مراتي ياعمي الي حكتلك عنها
حسيت نظراته اتغيرت بس مهتمتش
دخلت علينا المحروسة بكوبايات الشربات وقعدت جمب باباها وهي مكسوفة
كتها نيلة في شكلها الصفرا دي
اتكلم مازن طبعا زي مانت عارف ياعمي انا طالب ايد بنتك
هويدا وانا مش هقبل ب ضرة
الكل بصلي پصدمة بس ابتسمت وانا شايفة الړعب في عيون مازن وعيونها
اتكلم باباها انتي بتقولي ايه يابت انتي 
انتي داخلة بيتي 
فتحت موبايلي ووريتوا 
هويدا والله ياعمي انا عملت الي عليا استأذنكم بقي
قبل ماامشي لقيت قلم منه علي وشي 
عدلت طرحتي وخدت الموبايل وشنطتي ومشيت
مستنتش مازن حتي 
روحت البيت وقعدت علي الكنبة وانا مبسوطة
نسيت اقولكم
صديقي القديم الهكر الي قولتلكم عليه هكر موبايلها 
اما بالنسبة ل مازن ف انا خليته يكتب الشقة باسمي وسط الحاجات الي كنت بشتريها وكأنها ورقة وسط الورق الكتير الي كله حاجات ملهاش لازمة علشان يخلص من زني
اتصلت بالمحامي علشان ارفع قضية خلع علي مازن وهو قالي علي الخطوات الي هعملها في القسم
انا كدة كدة مبقتش احبه ولا بقيت محتاجاه في اي حاجة
دخلت خدت دش ونمت 
تاني يوم صحيت لقيته قاعد قدامي علي الكرسي مستنيني 
مازن ايه الي انتي عملتيه دة!! 
رديت عليه ببرود اسمها صباح الخير صباح النور كدة
مازن صباح الزفت علي دماغك 
هويدا هتعمل ايه 
مازن هطلقك
هويدا طلقني 
انا اصلا عايزاك تطلقني بلا نيلة
ضړبني بالقلم جامد 
مازن ورحمة ابويا وامي لو ما عملتي الي قولتلك عليه هخلي ليلتك سودا
هويدا دة الي انت فالح فيه 
دة انت معندكش ډم
مسك الكرسي وحدفه عليا بس جريت دخلت الحمام وقفلت بالمفتاح
غسلت وشي وكنت قاعدة خاېفة
فاجأة لقيت الباب خبط ف راح فتح 
طلعت راسي براحة علشان اشوف لقيت راجل بيكلموا 
فاجأة ملامحه اتغيرت وكأنه هيطلع شړار