جوزي كل ما اهلي يجوا عندي يطردهم
بابا وانتي عارفه انه تعبان
كان ساعتها وشي باين عليه آثار الضړب لما شافني قالي
ايه ده انتي وشك عامل كده ليه مين اللي عمل فيكي كده
لقيت محمد خرج من جوه وقاله
نعم عايز ايه ياض انت وايه اللي جابك هنا يلا غور من هنا
مصطفى
انا جاي عشان اختي مش عشانك انت واحد قليل الزوق اصلا ومتستهلش اختي دي يلا تعالي معايا وطبعا هو اللي عمل فيكي كده
انا وقتها سكت ومحمد قاله
ايوه انا مراتي وبربيها انت مالك انت
مصطفى مسكة ضړبة وقاله
يعني محرمتش وراح ضړبة تاني واخدني ومشينا على بيت بابا ولقيته تعبان قولت له
الف سلامه عليك ياحبيبي انا والله مكنتش عارفه اجي لك خالص
على
ياحبيبتي يابنتي انتي ايه اللي عامل فيكي كده مين اللي مخلي وشك وارم كده
مصطفى
الزفت اللي انت جوزته لها يابابا شايف أخرت جوازتك دي اهي بنتك اللي دفعت التمن وجه على دماغها هي وهي اللي بتدفع التمن
على
حقك عليا يابنتي انا هخليه يطلقك ورجله فوق رقبتة
بسمة
مش راضي يطلقني يابابا مش راضي عايزني اتنازل له عن كل حاجة
مصطفى
ليه هو فاكر نفسه ايه طيب ايه رايك انا هخليه يتحايل علينا انه يطلقك يديكي كل حقوقك انا هوريه
بسمة
انت ناوي تعمل ايه يامصطفي الله يخليك انا مش عايزاك تعمل مشاكل معاه انا مش عايزة منه حاجة ابدا المهم اطلق منه المفتري ده
مصطفى
هطلقك ياحبيبتي اطمني انتي ومتقلقيش خالص
واتصل مصطفى بمحمود صاحبة وقاله انا معاك يامحمود في الخطة اللي قولت لي عليها الظاهر ان هي دي اللي هتجيب معاه من الاخر
محمود
ما أنا قولت لك ياصاحبي من الاول نعملها وانت اللي مرضتش
مصطفى
الظاهر اني انا اللي كنت غلطان فعلا احنا ننفذ ومن بكره ايه رايك
ممكن توصلني في طريقك ياسمك ايه
محمد غمز لها وقال لها
انتي رايحة فين ياقمر وانا اوصلك
البنت
هيهيهي الا انت اسمك ايه ومتجوز ولا لا احكي لي عنك
محمد
انا أسمي محمد ومتجوز بس متجوز بعيد عنك واحده بومة
البنت
ياساتر طيب وايه ياخويا اللي غصبك عليها البومة دي وانت شكلك كده دمك خفيف ومرح كده
محمد
اعمل ايه بقا حظي ونصيبي كده
البنت
طيب مقولتليش انت مطلقتهاش ليه طالما هي بومة وقارفاك في عيشتك كده
محمد
ماهو مش هينفع أطلقها عشان كاتب على نفسي مؤخر كتير وهي خسارة فيها هي وأهلها مليم واحد
البنت
يعني تختار تعيش في نكد احسن ولا تخلص منها وتدفع لها احسن ولا انت شكلك بخيل
محمد
لا ده انا أعجبك اوي بخيل ايه بس انا زي ماقولتي لك مستخسر فيها انما انا صريف جدا واعجبك اوي يا قمر
البنت
طيب اللي تشوفه يلا بينا نمشي بقا على العنوان بتاعي
وراح معها محمد علي عنوانها ودخلت الشقة وقال لها
الدنيا هنا امان ولا ايه اوعي يكون في عوق ولا حاجة
البنت
عوق ايه هيهيهي
ودخلتة البنت الشقه عندها وصورتة من غير مايحس وبعدها مشي رجع البيت ولقي امه مستنياه وقالت له
ايه ياعين امك كنت فين لحد دلوقتي قطيعة تقطعها المخڤيه اللي انت متجوزها بقا عشان هي مش موجوده تقوم تعمل في نفسك كده وتتأخر برة البيت
محمد
انا مش عايز اسمع سيرتها خالص البومة
الام
ماطلقها يابني وتخلص منها الفقر دي دي نحس من يوم مادخلت بيتك وانت بقيت عصبي ومش مستحمل كلمة
محمد
وانا مش ماطلقها وهسيبها زي البيت الوقف كده لحد لما تتنازل لي عن كل حاجة عشان انا مش دافع لها مليم احمر من المؤخر وټضرب دماغها في الحيط
الام
على رأي يابني خسارة فيها وفي أهلها العالم العرر دول اوعي تدفع لهم حاجة فلوسك ليك
محمد
وهو انا عبيط ياما
استني بس اما ورتها مبقاش انا
وعند مصطفى قال لمحمود ايه الاخبار ياعم حوده وريني الحلو كده وهو مشرف في الفيديو الحلو بتاعه
محمود
تعالي شوف ده الوخ مصدق ياعم مصطفى ده طلع ليه في كل حاجة ده بسط البت على الآخر
مصطفى
يابن الكاااالب ده طلع زباله بقول لك ايه يامحمود انا مش عايزة بسمة تعرف حاجة عن الموضوع ده
محمود
لا ياعم متقلقش هي دي حاجة تتقال برضو ده اختك والله ماتستاهل واحد زي ده ابدا اختك اصلا غلبانة وطيبة اوي ومكنش ليها واحد زي ده
مصطفى
هنعمل ايه ابويا الله يسامحة هو اللي عمل فيها كده قال كان بيقولها جواز البنت سترة كان فاكر ان اللي اتجوزتة ده راجل
محمود
وده ملوش اي صله بالرجاله اصلا بس انا هوريه على خيانتة لاختي الواطي ده
وعدت الايام ومحمد رافض يطلقني راح محمود بعت له فيديو ليه مع البنت اللي كان معاها وقاله
ايه رايك في الفيديو ده لو عايزنا نذيع قول ذيع
محمد
انت مين والفيديو ده وصلك ازاى على فكرة مش انا اللي في الفيديو ده واذا كنت فاكر نفسك ناصحك ياروح انا انصح منك والفيديو ده مش ليا
رد عليه محمود وقاله
اثبت انه مش انت اللي في الفيديو ده والبنت اللي هتشهد عليك موجوده ياقمر
محمد
انت مين وعايز مني ايه احنا ممكن نتفق على اللي انت عايزة بس الفيديو ده محدش يشوفو
محمود
حلو الكلام ده انت كده حلو وقمر اوي ياسي محمد ياسبع ههههه
وقفل معاه ومحمد قال لنفسه اه ياولاد الكلب ياترى مين اللي عمل فيا المغرس ده
وتاني يوم محمود بعت رساله لمحمد وقاله
هطلق مراتك وتديها كل حقوقها هتاخد الفيديو مش هطلقها يبقا هنذيع الفيديو واللي مايشتري يتفرج
محمد
انت مين ياحيوان انت وتعرف مراتي منين
محمود
انا اعتبر اخوها وعايز اجيب حقها من واحد واطي وخاېن زيك ومش عايز تطلقها وتديها حقوقها انت مستخسر فيها طيب انا بقا هوريك
محمد
طيب انا موافق على كل اللي انت عايزة بس اديني الفيديو اللي معاك ومحدش يشوفو
محمود
يبقا اتفقنا هبعت لك لوكيشن تيجي لي نتقابل فيه وتاخد حاجتك واحنا ناخد حاجتنا
وبعدها مصطفى جالي وقال لي
خلاص يابسمة الزفت ده هيطلقك وهيديكي كل حقوقك وفوقيهم الشقه كمان هيتنازل عنها
بسمة
انت بتتكلم بجد يا مصطفى طيب ازاى وهو مش راضي وسيبني كده من غير. طلاق
مصطفى
ملكيش فيه بقا هو خلاص هينفذ كل طلباتي
وفعلا تاني يوم لقيت محمد اتنازلي عن الشقة ودفع لي كل المؤخر بتاعي واداني فلوس كمان زياده وكل ده وانا معرفش هو عمل كده ليه
واخدت حاجتي وقررت اعيش لنفسي وفتحت مشروع وبقت حياتي احسن وأفضل
وبكده تكون خلصت حكايتي
