بنات سلفتى

والله يا رحاب ربنا يصبر قلبك ويصبرنا كلنا على فراقه انا عايزاكي تفوقي لنفسك يابت انتي وبلاش كده
رحاب.
انا عايزة ابني عايزة ابني حرام عليكم هاتو لي ابني اللي راح ده ليه يروح كده انا عايزاه انا كنت عايزة ادخله المدرسة زي العيال الصغيرة اللي بتروح المدرسة انا دفنته قبل ما يروح المدرسة
الحما
خلاص بقا يا رحاب وجعتي قلبي بطلي كلامك ده حرام يابنتي استهدى بالله ده الواد ده كان غالي علينا كلنا انا مش عايزاكي تعملي في نفسك كده بقا اسكتي
يحي
انا مش عارف بس اعمل لها ايه الدكتور قال إنها لازم تخرج من اللي هي فيه ده لازم دي مفيش خالص ومش مركزه في اي حاجة ابدا انا مش عارف هتفوق لنفسها امتى بقا
الام
ربنا يهديها يابني ان شاء الله ده ربنا اللي عايز كده
يحي
عندك حق ياماما قول ما يصيبنا الا ما كتب الله لنا
الحما
يابت يا رحاب فوقي كده لنفسك عشان تعرفي تخلفي غيرة وتعوضية ان شاء الله انا قلبي حاسس ان ربنا اخد منك الواد ده وهيعوضك باللي احسن ان شاء الله
يحي
متحاوليش معاها يا أمي هي اصلا مش سمعاكي ولا شيفاكي ولا حاسه بحد خالص دي في دنيا تانية خالص ربنا يصبر قلبها بقا
وبعد شوية نزلت رشا وقالت لي
عامله ايه يا رحاب ربنا يصبر قلبك ياختي ان شاء الله متعمليش في نفسك كده يا رحاب وفوقي كده ده ربنا اللي عايز كده
الحما
ايوه اتكلمي معاها يا رشا خليها ترجع لعقلها اللي فوت ده دي مش بتسمع لحد خالص يا بنتي انا صعبان عليا حالها خالص ونفسي ترجع رحاب بتاعت زمان
رشا
معلش يا حماتي أصلها برضو ضناها وهي زعلانة عشانة ربنا يصبر قلبها ان شاء الله
ودخل عليهم محمود وقال لهم
ايه اخبار رحاب دلوقتي يا أمي ده يحي بيقولي انها تعبانة اوي طيب لو كده نوديها لدكتور
الام
ماهو اخوك وداها يا ابني لدكتور نفسي وقال انها لازم تخرج من الحاله دي ده حتى اخوك قال انه بيفكر ياخدها ويسافرو في اي مكان كام يوم كده
محمود
ياريت يحي يعمل كده يبقا احسن وأفضل لحالتها برضو يا أمي أنا شاء الله في امل وترجع زي الاول وتنسي وبعدين ده ضناها وڠصب عنها الحاله دي
ونزلت سهام وقالت له
ولما انت عارف الضنا اوي كده ياخويا ليه مش بتشيل بناتك ولا امك محرجة عليك انك متشلهومش ولا يمكن مراتك ااه ما انت بقيت بتسمع كلامهم هما وبس
محمود
اصطبحي على الصبح يا سهام انا مش فاضي لك ولا فاضي لكلامك ده بدال ما اقوم اجيبك من شعرك والله اتلمي
رشا
والله شكلها كده عايزة فعلا تاكل علقھ تمام