اقارب عقارب

اقارب عقارب
سلام عليكم
انا شاب عندي 36 سنة متزوج من 5 سنين جارتي وحبيبتي من واحنا صغيرين .. قبل زواجنا امي كانت كويسة جدا معاها وبتحبها بعد الزواج الوضع اختلف تماما والمعاملة بقت سيئة جدا من ناحية امي .. زوجتي كانت بتسكت وتحاول تحتويها ومكنتش بتشتكيلي ابدا فضلنا ع الوضع اول 6 شهور من جوازنا وفي الاخر قررت العلاقات تبقي رسمية تجنبا للمشاكل بس حصل ظروف عند امي واضطرت تيجي تقعد عندي هي واخواتي البنات فترة مؤقتة في الوقت ده مراتي كانت حامل في شهورها الأولي
بس الحق يتقال والله شهادة هتحاسب عليها قدام ربنا يوم القيامة كانت شايلاهم فوق د ماغها واحسن معاملة بس كنت بلاحظ دايما أنهم برده مش عاجبهم وبيعاملوها وحش اتكلمت معاهم من غير ما تعرف عشان يحسنو شوية من اسلوبهم ومفيش فايدة وبعدين قولت خلاص فترة وهتعدي ويرجعو بيتهم .. وياريتني ماكنت اتخاذلت وسكت ع الوضع
رجعت في يوم من شغلي سمعت صوت ضړب وصړيخ هستيري دخلت جري لقيت اخواتي البنات الاتنين  اول ما شافوني اټصدمو وسكتو ولسة امي هتتكلم مسمعتش منها وخدت مراتي وجريت بيها ع المستشفي وهناك عرفنا طبعا أن الحمل نزل وياريتها جت علي كده حصلها مضاعفات ومشاكل في الرحم وڼزيف
انا طبعا اتصىد..مت واڼهارت ومبقتش قادر اواجه امي واخواتي ولا ابصلهم حتي مراتي لما فاقت جالها اڼهيار عصبي لما عرفت اللي حصل وكانت مصممة ع الطلاق بس انا مرضيتش وقولتلها اللي يرضيكي انا هعمله بس غير الطلاق سكتت ومردتش عليا وفضلنا ع الحال ده فترة كبيرة