عشان عامية

يزيح الغمة ان شاء الله
ااه طيب بس انا بقا معلش انا مش هشتغل خدامة عند حد طيب ما تخلي طارق ابنك يتجوز ياحماتي ده حتى على الاقل هيجيب واحده تخلف له حتة عيل بدال ما الست ندى اللي مش عارفه تخلف له عيل لا وكمان اتعمت ده ايه المرار ده
. بقولك ايه يابت يا هند قومي من هنا انا مش ناقصه ۏجع دماغ انا مش نقصاكي ياختي يلا غوري من قدامي كتك الهم
وعندي في شقتي الصبح طارق قالي
انا نازل الشغل ياحبيبتي انتي عايزة مني حاجة يا ندى لو احتاجتي حاجة ابقي خلي ماما تتصل بيا
انا عايزة سلامتك يا حبيبي ابقي خلي بالك من نفسك هي العربية لسه في التوكيل بتتصلح ولا ايه
ايوه لسه قدمها مش اقل من اسبوعين على ما اروح استلمها انا بروح مواصلات هعمل ايه يعني يلا سلام ياحبيبتي
وفي اللحظة دي كان بيفتح باب شقته ولقي مامتة في وشة وقالت له
انت نازل يا حبيبي هي مراتك صاحيه ولا نايمة يا طارق
لا يا ماما دي صاحيه جوه في الاوضة وكويس انك طلعتي عشان ابقي مطمن عليها وانتي معاها
طيب يا حبيبي روح انت شغلك وملكش دعوة بيها اديني معاها اهو وخلي بالك انا كده بقيت خدامة لمراتك بلا نيلة كان مستخبي لنا فين ده بس يا ربي
ياماما خدامة ايه بس يا ست الكل انتي بتعملي كده ثواب وربنا هيكرمك ويبارك في صحتك عشان بتخدمي واحده زيها
اه ياخويا بلا وكسة الا ماهي كانت عارفه تجيب لك حتة عيل يفرح قلبك ولا كمان جايه تتعمي يلا خليني ساكتة احسن
ايه بس الكلام اللي انتي بتقولية ده يا ماما هو في ايه لده كله ياست الكل
في يابني ان انا زهقت انا ومرات اخوك احنا شغالين عند الهانم مراتك قال ايه عشان عامية بقولك انا لو استحملت النهاردة مش هستحمل بكرة انت تشوف لك حل احسن
اشوف حل اعمل ايه يعني يا ماما بس انتي عايزة ايه دلوقتي
عايزاك تتجوز يا عين امك واحده تيجي تشيلك وكمان تخلف لك حتة عيل قولت ايه
لا يا ماما عشان انا بحب ندى ومش هخلف عغير من ندى ماشي وانا عايز انزل دلوقتي اروح شغلي وسعي بقا يا أمي خليني اروح اشوف اللي ورايا
ونزب طارق وانا كنت سامعه كل الكلام اللي اتقال من أمه ده وفضلت اعيط ودخل حماتي وقالت
يافتاح ياعليم يارزاق يا كريم انتي بټعيطي ليه دلوقتي انتي عايزة حاجة ولا ايه
لا لا يا حماتي مش عايزة حاجة انا بس بعيط عشان صعبان عليا نفسي مش اكتر
ااه طيب ياختي تحبي اعملك ايه عايزة حاجة اعملها لك
لا مش عايزة حاجة انا هنام ومش هصحي خالص غير على بالليل لو انتي عايزة تنزلي يا حماتي انزلي انا مش عايزاكي تتعبي نفسك كتر خيرك
. طيب انا هنزل ولو احتاجتي حاجة ابقي نادي عليا او نادي على هند مرات محمود يلا فوتك بعافيه
ونزلت حماتي وانا فضلت اعيط كتير لحد لما نمت وعند طارق اللي راح لنوال دي واحده هو يعرفها وبيروح عندها لما مزاجة بيجيبة لها وقالت له
حمد الله على السلامة ياحبيبي انت لسه فاكرني يا راجل بقا كده طول المده دي مشوفكش
ما انتي عارفه اللي حصل لي من الحاډثه اياها اعمل ايه بس ياقلبى وبعدين انا جيت لك لما أتعافيت اهو
نوال
بس انت كويس بقالك فترة يا طارق متمثلش عليا وتعملي
فيها انك كنت لسه