عندي مشكلة كبيرة قالبة حياتي رأسا على عقب
مشكلة كبيرة قالبة حياتي رأسا على عقب
عندي مشكلة كبيرة قالبة حياتي رأسا على عقب
عندي ٣٢ سنة متزوجة من ١٤ سنة عشت طفولتي في بيت للأسف كله مشاكل بين بابا وماما و تزوجت من شاب أكبر مني ب٤ سنين هو حاليا ٣٦ سنة بصراحة عوضني كل حاجة وحشة شفتها في حياتي كريم جدا مهذب جدا عمره ما ضړبني ولا شتمني بار جدا بوالديه بيصلي علطول في الجامع خدوم وأهله ناس محترمين جدا وبيحترموني وبيحبوني وأنا بحبهم زوجي بيشتغل شغلانتين علشان احنا بدأنا من الصفر مع بعض لحد ما ربنا وسع علينا الحمد لله ورزقنا ٣ عيال بنت وولدين وهو مهتم جدا بيهم وبيصرف علينا كويس ومبيبخلش بأي حاجة وهو شخص رياضي مهتم أوي بلياقته ورشاقته وعضلاته وطبعا بياكل أكل صحي وبيتمرن يوميا في الجيم تقريبا في المقابل ربنا يعلم انا حطاه في عيني ومهتمة جدا بنفسي ومظهري وقوامي ونظافة بيتي وأولادي لأنه مبيقبلش أي تقصير في الحاجات دي وعلشان أكون منصفة هو حد في المجمل العام كويس ومعيشنا عيشة كويسة فسح وخروجات كل أسبوع ومصايف كل سنة في حتت فخمة وانا تليفونه في ايدي علطول مش عامله باسوورد أصلا وعمري ما لاحظت حاجة مش تمام هو أصلا ملوش أوي في السوشيال ميديا لأنه مش فاضي أصلا فوجئت بيه بيقولي انا عايز أتجوز وفي بنت قابلة بظروفي طبعا اڼهارت تماما كأنه والله اداني پسكينة في قلبي ليه بس ليه عايز تشقلب حياتك محڼا عايشين في سعادة وحياتنا كويسة ومش ناقصك حاجة يقولي لأ سبيني اتجوز ومش هقصر معاكي في أي مصاريف هتجنن انا لا يمكن أقبل كدة ولو الموضوع مشي زي ما هو عايز أنا هطلب الطلاق ومش عارفة هيصرف ازاي على بيت تالت لأنه أصلا بيصرف على اخته المطلقة وأولادها وبقوله هو طفاسة وخلاص يقولي ايوة هو ربنا خلق الرجالة طفسين علشان كدة حللهم انهم يتجوزوا ٤ والله ما طايقة أبص في وشه رغم اني كنت بعشق تراب رجله
المشكلة مش متخيلة
