زوجتي الاولى

زوجتى الاولى
السلام عليكم ورحمة الله وبركاته
انا اتجوزت 10 سنين عن حب ومخلفناش هى كان عندها مشاكل كتير حاولنا أكتر من مرة و محصلش نصيب ولما حسيت أن ربنا مش رايد قولتلها انى هتجوز قالتلى حقك وربنا يكرمك.. أتجوزت فعلا ربنا رزقني بطفلين ومابين الشغل والبيت اللى فيه زوجه وأولاد أهملت زوجتى الأولى شويه هى أستمرت معايا بعد جوازى التانى 4سنين و مرة واحدة طلبت الطلاق انا بحبها ومكنتش أقدر أستغني عنها لكن هى كانت مصممه وحاولت كتير أقنعها اننا نحافظ على بيتنا لكن رفضت وتحت الضغط منها ومن أهلها طلقتها
انا زوجتى دلوقتى كويسه لكن انا بطلاقى من زوجتى الأولى فقدت حاجات كتير أهمها المشاعر الجميله اللى كانت بينا وقدرتها على احتوائى فقدت الانسانه اللى كانت بتفهمنى وتحس بيا من غير ما أتكلم ملقتش الحاجات دى تانى بعدها وعلى فترات كنت بحاول أرجعلها لكن هى فضلت على موقفها لحد ما عرفت أنها أتجوزت تانى وسافرت بسرعه بعد الجواز مع جوزها
انا من يوم ماسيبتها وانا حاسس انى مش راضى عن حياتى عايش من غير روح انا يمكن متصورتش انها تجوز تانى من كتر حبها ليا وده زود إحساسي بعدم الرضا عن حياتى وشعور بالندم أنى ضيعتها منى الإحساس ده بقى مرهق ليا نفسيا جدا بجد مش عارف أعيش ازاي من غيرها وعلى طول بدور عليها وبحاول توصلها على أمل إنها ترد عليا بكلمه حتى لكن بدون أي نتيجة
دعاء الرزق الذي لا يرد
اللهم إن كان رزقي في السماء فأنزله وإن كان في الأرض فأخرجه وإن كان بعيدا فقربه وإن كان قريبا فيسره وإن كان قليلا فكثره وإن كان كثيرا فبارك لي فيه.
اللهم لا مانع لما أعطيت ولا معطي لما منعت ولا ينفع ذا الجد منك الجد.
اللهم رب السموات السبع ورب العرش العظيم اقض عنا الدين وأغننا من الفقر.