الاء تبقى اختي عندها ١٧ سنه
لأسف اختى بطنها بتبقى مفتوحه قدامها لأن من كتر العمليات الچروح مكنتش بتحلق تلم عايزه بس اوصفلكم انها بتشوف بطنها قدامها كده و عشان تحويل المسار معمول غلط فا أعازكم الله الډم كان بيختلط مع البراز في بطنها و كانو بيستعملو جهاز شفط زي خرطوم كده يحطوه في بطنها قدام عينها و يشفطو بيه ..
مش هعرف اوصفلكم حالتها النفسيه ولا انها بتقولنا روحوني و احنا متكتفين مش عارفين نخرجها من المستشفى
هي كده اتحــرمت من الاكل ٣ شهور
و جالها الصفره معرفش ازاي ..
ابتدت متعرفناش و وعي مخها قل
بعدين رجعت تاني عرفتنا بس طول الوقت في العــنايه المركزه و طبعا الزياره بمعاد قليل جدا يدوبك نشوفها ١٠ دقايق ده لو خلونا نكملهم
و بعدين فجأه التهاب رئوي و جهاز تنفس صناعي
بقيت أشوف اختى مش هي القمر دي اتبدلت
أنا قولت جزء بسييييط جدا من اللي شافته بسيط والله
كده يا جماعه اختى عملت استكشاف تحويل مسار عمليه زايده
ممكن تتخيلو بطن شابه جميله عندها ١٧ سنه بقى عامل ازاي
الصاډم بقى في كل ده ان العمليه الأولى لما فتحو بطنها اول مره الزايده مكنتش موجوده أصلا !
حببتي كانت عامله عمليه انسداد معوى وهي صغيره و فيه جزي كان فيه غرغرينا و استأصلوه و معاه الزايده واتقالنا زمان انه جزء من الأمعاء و محدش كلف نفسه حتى يبص في السونار و يراعي ضميره للعلم والدتي قالتلهم على العمليه دي قبل ما يكشفو
عملت ٧ عمــليات في اسبوعين و قعدت في المستشفى ٣ شهور !
اختى طلع في آخر المطاف ده كله عندها أملاح زياده
عرفنا ده امتى عرفنا بعد ما ماټت
أنا ليه قولت كل ده عشان نفسي الدنيا كلها تعرف هي تعبت اد ايه و تترحمو عليها من قلبكم
اختى ماټت في رمضان في ايام الرحمه
حاولنا نجيب حقها و عملنا قضيه بس ده عمره ما هيرجع اللي راح و حقها كمان لأسف راح عشان كل اللي في المستشفى انكرو هما عملو ايه وظبطو ورقهم
لا نقول إلا ما يرضى الله
حسبي الله و نعم الوكيل
حقها عند الذي لا يغفل ولا ينام
بهدلوها الله لا يسامحهم عند الله تجتمع الخصوم
اسفه طولت عليكم
مستشفى٦_اكتوبر اللي في الدقي
وزارة الصحة والسكان المصرية
