نفسي احكـي اللي جوايا

الكيسه حمايا نده علي اخويا يقوله يلا علشان عايز انام قاله لسه معلقتش لاختي المحلول قاله معلقتهوش في بيتكم ليه يابابا اخويا قاله دا بيتها وانا اجيلها في اي وقت
حمايا قام قافل البوابه وقال لاخويا شوف مين هيفتحلك بقي
اتصلنا ب بابا واخوتي وجه فضل يخبط علي البوابه حمايا مرداش يفتحله وطرده وفضل يشتم اۏسخ الشتايم ويقول عليا كلام ز باله ويطعن في شرفي المهم الناس اتلمت
وروحو ابويا واخواتي وانا واخويا لسه محبوسين فوق
والبيه حمايا مفتحش البوابه الا لما ابويا مشي
لما الناس طلعت حمايا فضل يفتري علينا ويعكس كل اللي حصل
للعلم انا سجلت كل اللي حصل في الخڼاقه ومن اول مجيت انا واخويا وبعته لجوزي
جوزي اتصل بأبوه وهو معاه الناس يقوله ازاي تعمل كدا في مراتي واخوها فضل يشتم فيا ويقول عكس اللي حصل وكمان يقوله انا مش تعبانه ولا حاجه ولا معايا علاج ولا كنت بكشف اصلا مع اني كنت معلقه الكلونه بتاعه المحلول
جوزي اتصل بيه وقالي معاكي الروشته والعلاج والمحلول قولتله ايوه طبعا . قالي هبعت ابن اخويا يطلعلك ودهمولو
طلع خدهم يوريهم لحمايا والناس اللي قاعده ورن علي ابوه وقاله افتح الاسبكر وسمع الناس اللي قاعده دي دا علاج مراتي والروشته دي بتاعتها ولا لا ابوه اتخرس وملقاش كلام يقوله فضل مكفهوش اللي قاله فحقي لا يقول كمان اننا عاملين الحوار ده علشان نزهق فيه ونصحيه من النوم
يعني بالعقل كدا هتفق مع الدكتور يكتبلي علاج واصرف قد كده كشف وعلاج علشان اغيظ البيه حمايا
المهم اخويا كان نازل مروح وانا كنت هروح معاه و الناس وقفه علي السلم حمايا اول مشفنا فضل يشتم بردو وطردني قمت انا عندت معاه وقولتله مش ماشيه دابيتي
مع اني كنت نازله مع اخويا علشان اروح عند اهلي بس كرامتي وجعتني لما طردني
والناس فضلو يقولولي استحملي دا راجل كبير خديه علي قد عقله
والموضوع خلص
اخواتي وابويا وامي معتش حد بيعرف يجيلي نهائي طفشوهم بقيت لوحدي
وحصلت مشاكل كتير من النوعيه دي بقي لاتعد ولا تحصي
حمايا حاول يتشاكل معايا ٣ مرات
حماتي تقفل الباب في وشي كل منزل او اطلع
بقت مشغله التسجيل وانا طالعه وانا نازله علشان اسجل اللي بيعملوه فيه علشان جوزي يشوف
حمايا ضړبني وكسرلي تلفوني لما عرف اني بسجل اللي بيعملوه وببعته لجوزي وعرف انهم كدابين رحت عملت محضر فيه وخد حكم
دا كله وجوزي معلش استحملي لما ارجع
جوزي رجع تفتكرو رجع معاه حاجه لا رجع معاه ١٠ الاف جنيه بعد سفر سنه كامله
كان بيبعت لابوه اللي مرمطني الفلوس من ورايا ويقول عليه فلوس لاخواته
المهم قعدت مع جوزي خمس شهور مخدش موقف مع اهله ولا فتح الموضوع اصلا
حصلت مشاكل بردو لما رجع ومتكلمش
ويقولي دول ابويا وامي اعمل ايه