رواية ليلة الجزء الاول للكاتبة..حنان حسن
المحتويات
بتحبني
و پتخاف عليا
واد ايه
انا كنت مچرمة
لما فكرت اقتل اختي
في اللحظة دي
سيبت شيماء ومشيت
بعدما كنت خلاص
قررت اني مش هختار
اي خيار
من الخيارات
الي عرضها عليا الوسيط
و في اللحظة دي
كنت اخدت قرار مصيري
مختلف تماما
وفية حل للازمة كلها
لاني ساعتها كنت قررت
ان الي ھيموت هو...انا...وهند
عشان اتقذ شيماء
لان الوسيط قال..
ان لازم واحدة من الثلاثة
الي كانوا في الكوخ المهجور
هي الي ټقتل الاتنين
الي كانوا معاها
وانا دلوقتي قررت اخلي شيماء تقتلني انا وهند
لكن...هخطط لكده
بدون ما شيماء تعرف
لانها عمرها ما هترضي تاذيني
وبسرعة نزلت لاقرب عطار
واشتريت منه
سم فيران قوي
وبعدها...
اخدت السم وروحت علي حلقة السمك
وجييت اكلة سمك
وروحت بيها علي البيت
لكن..
قبل ما اطلع...
قابلني محمااا علي السلم
وبص علي الاكل الي في ايدي
وسالني
وقالي..
انا شامم ريحة سمك
صح
قلت...لا دا مش سمك
وحتي لو كان سمك فا انت مالك يا بارد
هو انت مش ناوي تبطل تحشر نفسك في كل حاجة
فا ابتسم محمااا
وقالي..طب والي خلق الخلق الي في ايدك ده سمك
فا اتغظت من تطفلة
وزقيتة بايدي الفاضية
فا اتزحلقت علي السلم
وانا بدفعة بكل قوتي
ووقع السمك مني في الارض
فا ساعدني محماااه
ولم معايا السمك
وبعدما قمت من الارض
اخدت السمك وطلعت علي السلم بسرعة
ودخلت لشقتنا
وبعدما قفلت الباب في وش محمااا
دخلت علي المطبخ باكلة السمك
وجييت سمكاية واحدة
وفتحتها...
وحطيت في قلبها..
السم الي معايا كلة
وبعدها..
روحت علي تربيزة السفرة...
وحطيت السمك كلة
في طبق تقديم واحد
والسمكة المسمۏمة حطتها في طبق لوحدها
وبسرعة ناديت علي هند
وقلتلها...
تعالي يا هند دوقي السمكة المبطرخة دي
وفعلا...
قعدت معايا هند علي الترابيزة
واكلت من السمكة المسمۏمة
وفضلنا ناكل انا وهند في السمكة
لغاية ما خلصناها كلها
وبعدها...
مسكت هند بطنها وصړخت وفضلت تتلوي
ومفيش ثواني
ولقيت نفسي
بطني بتتقطع انا كمان
وفضلنا نصرخ انا وهند
لغاية ما شيماء وصلت علي صوت صراخنا
في اللحظة دي
انا فضلت اشاور بايدي
عشان احذر شيماء اختي
وقلت...
اوعي تلمسي الطبق ده يا شيماء
الطبق ده كان فية السمكة المسمۏمة
فا بصتلي هند
وقالتلي...
يعني انتي كنتي قاصدة تقتليني يا داليا
ولما مجوبتش علي سؤالها
دعت عليا هند
وقالت
حسبي الله ونعم الوكيل فيكي
وقبل ما اطلب من هند تسامحني
لقيتها غمضت عنيها
وبطلت صړاخ
وعرفت ان هند كده ماټت
وملحقتش احزن علي صاحبتي
لاني لقيت نفسي حاسة پاختناق
والهواء بدء يغيب عن انفاسي
وفجاءة
الدنيا اصبح لونها ابيض تماما
والاصوات كلها سكتت
وانا مبقتش اتألم
ولا حتي كنت حاسة باي حاجة
بس كنت شايفة هند
وهي نايمة جنبي علي الارض
وشايفة شيماء اختي
وهي...
ماسكة ايدي...
وعمالة ټعيط
فا حاولت اطمنها عليا
واقولها...مټخافيش
انا بقيت كويسة
لكن..
كل ما كنت با اجي المس ايديها
الاقيني مش عارفة المسها
فا نطقت بلساني
وقولتلها...
انا كويسة يا شيماء اطمني
لكن...
شيماء برضوا كانت عمالة تصرخ
وټعيط وكأنها مش سمعاني
فا قولت اقوم من علي الارض
ادامها
عشان تصدق اني بقيت كويسة
وفعلا قومت...
لكن
لما قومت شوفت جثتين علي الارض
والجثتين..كانوا لبنتين
واحدة من البنات دي كانت هند...
والتانية كانت انا
ايه ده
ازاي ده
واية الي بيحصل بالظبط
وحاولت اسال شيماء
واقولها...
هو في اية يا شيماء
لكن...شيماء مكنتش بتسمعني
وكانت ملهية في چثتي
الي علي الارض
وكانت حضناها وهي بتصرخ وټعيط
في اللحظة دي
فهمت اني مت
انا مت معقولة
هو بسهولة كدة الانسان ممكن ېموت
وقبل ما افكر في اجابة
سؤالي
لقيت محماااا والجيران داخلين علي صوت شيماء
وفضلوا يقلبوا في چثتي انا وهند يمين وشمال
وفي الاخر
اتصل احدهم بالاسعاف
وانا بعدت عن الجميع واخدت ركن
وفضلت قاعدة اتفرج علي الي بيحصل بذهول
وبعد مرور الوقت
شيماء اختي استسلمت للامر الواقع
ووافقت علي اقتراح الجميع
بان اكرام المېت ډفنة
الډفن
ايه ده
ډفن اية
هو انا خلاص هتدفن وهتحاسب
لا لا لا.... انا لسة مش مستعدة
اصل انا ذنوبي كتير
وفضلت افتكر البلاوي الي عملتها واعدها
واقول
يلهوي....
دا انا اڼتحرت..
وقټلت هند...
ونصبت علي ناس كتير....
وجمعت بين سبع ازواج...
وفضلت اخبط علي دماغي
ولما... ايدي لمست شعري
تذكرت شعري الي كان عريان
والكل بيشوفة
والميكب والبرفان الي كنت بحطهم وانا خارجة
وقلت..
يلهوي عليا وعلي سنيني
دنا كنت بلبس المحزق والملزق
وكنت بغتاب الناس وبجيب سيرتهم
كنت بخوض في الاعراض
كنت بظلم
كنت باكل حرام
كنت بغش في الميزان
عشان الفلوس
وكنت بكدب.. وبحلف كدب كمان
كنت برتكب الوان شتي من المعاصي
والمصېبة الاكبر اني مكنتش بصلي فروض ربنا
يلهوي يا امة
اهو دلوقتي انا بينطبق عليا المثل
الي ببقول..
جالك المت يا تارك الصلاة
مهو اول حاجة الانسان بيتسأل عليها لما ېموت
هي الصلاة
وفي اللحظة دي
لقيتني فهمت لية الدنيا متسلطة عليا
مهو عشان انا كنت بعيدة عن ربنا
فا فضلت ادعي ربنا
واقول...يارب امهلني دقيقة واحدة بس
عشان اتوب
دقيقة واحدة عشان اصلي
دقيقة واحدة عشان اتحجب
دقيقة واحدة عشان استغفر
دقيقة واحدة....دقيقة واحدة
دقي........
لكن...
يظهر ان مكنش ينفع
لاني شوفتهم وهما بيفتحوا القپر وبينزلونا فيه انا وهند
فا فضلت اصړخ
واقولهم...
ابوس ايديكم
اصبروا دقيقة واحدة
مش عايزة غير دقيقة واحدة ارجع فيها لربنا
لكن محدش سمعني
وقفلوا عليا القپر لوحدي ومشيوا...
وفضلت لوحدي في الضلمة خاېفة من الحساب
كنت عايزه اختي والمشيعين يفضلوا شوية
لكن...
سمعت خطواتهم وهي بتبعد
وانا فضلت قاعدة خاېفة
وندمانة
بس الوقت كان فات ع الندم
فا قعدت اعيط
واستغيث بالرحمن الرحيم
واقول يااارب
يارب..يارب... يارب..يارب...يارب...يارب..
وفي اللحظة دي
شعرت بايد بتخبطني علي وجهي
وسمعت صوت.....
بيقولي...ونعم بالله
فا فتحت عنيا
عشان اتفاجئ ادامي ب
محماااا
فا بصيت حواليا
لقيتني علي السلم
فا سالتة وانا مذعورة وكل حتة في جسمي بنتتفض
وقلت...هو انا فين
فارد محمااا
وقال...
انتي كان مغمي عليكي علي السلم
قلت..اغمي عليا ليه
وازاي
فا رد محمااا
وقال...
لما جيت اخد منك السمك واحنا ع السلم
حاولتي تخبطي ايدي
وتبعديني عنك
فا اختل توازنك...
ووقعتي علي السلم
بس واضح انك غيبتي عن الوعي
لما راسك اصتدمت بالسلم
فا بصيت لمحمااا
وسالتة
وقلت...يعني انا كنت بحلم
انا كنت بحلم
الف حمد وشكر لك يارب
وبسرعة طلبت منه يجيبلي شنطتي
ولما ناولني الشنطة
خرجت منها كيس السم
ورميتة في كيس الژبالة
الي علي السلم
بدون ما محمااا يعرف انا رميت ايه
وسيبت محماااا وطلعت اتسند علي السلم
ودخلت علي شقة ام محمااا
واستلفت منها اسدال وسجادة للصلاة
ورجعت نزلت تاني علي السلم
عشان اروح لشقتي
فسالني محمااا
وقالي..رايحة فين
قلت...
رايحة اصلي...واتوب
قبل فوات الاوان
وطلعت فعلا صليت
ووقفت علي سجادة الصلاة
وانا خجلانة من نفسي
وقلت...
لازم الحق نفسي
لان العمر مهما طال
فهو قصير برضوا
وهيجي اليوم والعمر ينتهي
ولازم اجهز لليوم ده
ومخليش الدنيا تضحك عليا تاني
لكن...
هتوب علي ايه ولا ايه
دا انا ذنوبي كتير
ياتري ربنا هيغفرلي
وافتكر الاية
الي بتقول..
بسم الله الرحمن الرحيم
قل يا عبادي الذين اسرفوا علي انفسهم
لا تقنطوا من رحمة الله
ان الله يغفر الذنوب جميعا
وبعدما انتهيت من الصلاة
دعيت دعوة اخيرة
وقلت...
اللهم اني فوضت لك امري
لله الامر من قبل ومن بعد
وبعدما خلصت الصلاة والدعاء
رجعت افكر في المصېبة
الي انا فيها
وافتكرت المهلة
والخيارات الي اصعب من بعضها
وفضلت اقول لنفسي
وبعدين
هتعملي اية يا داليا
انا لا هقدر اقتل هند.. وشيماء
ولا هقدر اقتل نفسي واموت كافرة
ولا هقدر منفذش اوامر الوسيط
طيب وبعدين
هتصرف ازاي
الوقت بيجري والمهلة قربت تنتهي
وفي اللحظة دي
سمعت خبط علي الباب
فا خرجت لاول مرة بالاسدال
وفتحت الباب
ومش هتصدقوا لقيت مين علي الباب........
بعدما اتاكدت
اني مش هقدر انفذ اي خيار من الخيارات
الي عرضها عليا الوسيط
ولا حتي هقدر اقتل نفسي واموت كافرة
فضلت محتارة وبفكر
واقول لنفسي
هتعملي اية يا داليا
وهتصرفي ازاي والمهلة خلاص قربت تنتهي
وفي اللحظة دي
شعرت بالضعف والقهر وقلة الحيلة
وفضلت اكلم نفسي
واقول...
هاعمل ايه واتصرف ازاي
واثناء ما كنت واقفة محتارة
سمعت خبط علي الباب
فا خرجت افتح الباب
وفي اللحظة دي
اتفاجئت ادامي
ب..هاني...
ومعاه كام واحد شكلهم عاملين زي البلطجية
وكان واضح ان هاني قرر يجتهد بطريقتة
ويخادنا معاه بالقوة
عشان تتم عملية التبادل ويسلم القربان للجان
لكن...
عشان انا كنت فاهمة الي في دماغة
فا مديتهوش اي فرصة
عشان ينفذ الي هو جاي عشانة
وجريت بسرعة علي البلكونة وفضلت ارقغ بالصوت
واختي وهند صحيوا علي صوتي
و لما شافوا هاني واتباعة
فضلوا
متابعة القراءة
