انا عايزة دهبي
انا عايزة دهبي
السلام عليكم ازيكم عاملين ايه عندي مشكله بقى صعبه ومش عارفه اعمل فيها ايه انا من صغري في بيت بابا متعوده اني ممكن اقلع خواتمي او سلاسلي في اي حته ممكن احط على ترابيزه السفره على ايد الكنبه فوق كومودينو يعني متعودين على الامن ودايما بنامن بعض على الموضوع ده وما فيش اي خوف ان حد يدخل عندنا ياخد الحاجه دي فانا لما اتجوزت كنت بعمل نفس الحكايه وبحط دبلتي وخواتمي في اي مكان في الشقه فجوزي دايما كان يقول لي بلاش تعملي كده ما فيش حاجه مضمونه ممكن اي حد يدخل على فجاه وياخد الذهب بتاعك بقول له لا الدنيا امان واحنا مش قاعدين في محطه مصر هنا ده بيتنا وانا متعوده على كده من لغايه ما في يوم عزمت اهله واخواته هو مراتاتهم واخواته البنات وجوازاتهم من فضلكم ضرورى هقرا التعليقات على صفحتكم المهم وكالعاده وانا كنت بغسل الحمام فحسيت ان الدبله هتتملى صابون فقلعتعا على مرايه الحوض وكملت عادي تنظيف الشقه وترتيب البيت و عمايل الاكل وجوم فعلا في المواعيد ورا بعض كلهم وبدات احط السفره وفرغنا ترابيزات زياده للستات والاطفال واتغدينا واكلنا الحلو وقعدنا نتكلم كثير ونضحك وفي اخر اليوم داخله عشان اتشطف والبس خواتمي ببص عليهم اتفاجات انهم
مش موجودين قعدت ادور يمين وشمال ملقتش حاجه روحت جريت على جوزى قولتله قالى يعنى ايه انا محذرك قبل كده وقولتلك حذر ولا تخون انتى بقى عايزة تتهمى اخواتى البنات ولا الرجاله بزوجاتهم قولتلو مش پتهم حد بس ايه العمل دلوقتي قالى مليش فيه وحسك عينك تتكلمى مع حد انا مقدرش اسرقهم انا بقى شايفه الموضوع اكبر من كده انى اتسرق فى بيتى من أهل جوزى دى مصېبه عشان كده عايزة اتعامل بحكمه
