جوزي سافر الكويت

جوزي سافر الكويت

جوزي سافر الكويت من سنتين كنت بحسبه كل حاجة ليا كنت شايفة الدنيا بعنيه وقلبي معاه لحد ما في يوم لقيت واحدة بعتتلي على رقمي وقالتلي متفكريش ان الخير والعز ده ليكي لوحدك ده لما مسك الجنيه خدني انا واتجوزني قبلك وناوي يسيبك

الدنيا ضلمت في وشي مش بس من الصدمة لكن من كلمته اللي قالها قبل ما يسافر قال انتي الوحيدة اللي بثق فيكي وهبعتلك الفلوس تحوشيها فضلت استنى واشتغل على نفسي واستحمل وفعلا بعتلي فلوس وكنت بحوشها

وبعد فترة نزل مصر وقررت أواجهه لقيته هو اللي قاللي ان عبير قالتلك وانا مش مسكتلها

قالي ده حقي وربى عيالك واوعي تنطقي بكلمة ولا هخليها وانتي تمشي

عدت الأيام وسافر تاني وفضل يبعتلي انا عمري ما طلبت منه حاجة ولا طمعت لكن جمعت الفلوس وكانت حوالي سبعمية ألف اشتريت بيهم شقة وكتبتها باسمي

بعتلي بعدها فلوس تاني وضبت الشقة وجه بعد سنة يسألني على الفلوس قولتله اشتريت شقة ليا ولولادي قالي يا تطلقي يا تنقليلي الملكية رفضت ومن ساعتها معاملته اتغير بقى قاسې ومش طايقني

قالي مش هطلقك غير لما تاخدي الشقة وتديهالي قولتله مش عاوزة اسيبك اهو ضلك ولا ضل حيطة

هو ده غلط ولا انا اللي غلطانة