انا مش ببعت مشكله انا بعته مصـيبه انا عملتها

ابن خالة جوزي

انا مش ببعت مشكله انا بعته مصېبه انا عملتها وبسببها فقدت جوزى حبيب عمرى ابو اولادى بسبب غباااءى أستاذة غادة من فضلك محتاجه رايك وراى كل الناس هقراهم فى التعليقات
انا متجوزة راجل محترم جدا وحياتى زى الفل بس فى الاول بدأنا حياتنا فى شقق ايجار جديد وبقينا كل سنه ننقل من شقه لتانيه على حسب صاحب الشقة لو بيزود علينا ايجار كنا بنسيب الشقه لحد ابن خاله جوزى كان ربنا كارمه وعايش فى شقه تمليك فى مكان شيك مرة كان بيزور حماتى اللى هى خالته وسمع حكايه البهدله اللى احنا فيها فعرض على حماتى أننا نروح ناجر شقته القديمه لحد كده زى الفل.
احنا فرحنا جدا وفعلا كان محترم معانا جدا وكتب عقد بسنتين وعطانا الشقه بملاليم معنى كلمه ملاليم لكن قبل ما المده تنتهى لإقيناه بيتكلم مع جوزى وبيقول أنه بيعتذر مش هيقدر يكمل المده بتاعه الايجار لانه محتاج يبيع الشقه بصراحة احنا كنا عاملين حسبنا نكمل حياتنا فى الشقه بسعرها الحلو ده وكده كده ابن خالت جوزى واحد مبسوط مكنتش ابدااا اتوقع الغدر ده بس هو حجته أنه هيبيع الشقه عشان محتاج فلوسها بس مش بيقول مبرر لحد كده تمام جوزى قالى كتر خيرة وشوفنا فعلا شقه للايجار جديده ولسه مستلمناش الشقه .
وكان ابن خالت جوزى اول ما عرف أننا شوفنا شقه اتصل بجوزى عشان المفتاح واحنا لسه منقلناش العفش فأنا قولت لجوزى هو خلاص ايه قله الزوق ده ميستنا لما نفضى الشقه وقعدت اقول عيب عليه ما يصبر شويه ساعتها حسيت أن جوزى زعل و وشه جاب الوان وانا مش مبطله كلام لحد ما قام اتصل بيه وقالو انا جايلك بزعيق واللى عرفتو بعد كده انا جوزى راح عند بيته وقعد ويزعق فى الشارع ويشتم فى ابن خالتو لحد. ما حصل مصېبه 
والناس مش فاهمه ايه اللى بيحصل ومن كتر الزعيق الضغط ارتفع عليه وجالو جلطه والتنقل المستشفى وماټ ولما عرفت بعد كده أنه سبب مۏته هو الزعيق اللى زعقه عرفت انى السبب.. بالله عليكم انا حزينه جدااا ومد مرة حد يساعدني هقرااا كل تعليقاتكم ارجوكم حد يريح قلبى يطمنى من خلال صفحتكم الموقرة واسفه على الاطاله
لا حول ولا قوة الا بالله العلي العظيم
الحمد لله رب العالمين
اللهم صل وسلم وبارك على سيدنا محمد وعلى اله وصحبه وسلم