أنا مش عارفة أبدأ منين

مشكلة جارتي

السلام عليكم
أنا مش عارفة أبدأ منين، بس أنا في موقف عمره ما خطرلي، ومش عارفة أتعامل معاه إزاي.
اللي حصل إني بالصدفة لقيت فيديو مش محترم وواضح وضوح الشمس، ومفيهوش مجال للشك… جارتي باينة فيه وهي مع شاب
أنا اټصدمت.
مش علشان هي جارتي، لكن علشان جوزها راجل كبير وفوق الاحترام، كل الناس هنا بتحبه وبيحلفوا بأخلاقه، متربي على الأدب، وأهله ناس بسيطة جدًا بس قمة في التربية والاحترام.
الراجل ده شايل بيته على كفه، وبيساعدها في كل حاجة، وبيتحمل مرض أمه الكبيرة اللي محتاج رعاية 24 ساعة، وبرغم كده عمره ما اشتكى ولا قصّر مع مراته.
أما هي فطالعة من بيت مش متوازن خالص.
أبوها طيب بس ضعيف، وأمها من النوع اللي دايمًا بتبرر الغلط، ومفيش لا رقابة ولا تربية مظبوطة.
من وهي صغيرة وهي بتعمل اللي هي عايزاه، ومع ذلك كل الناس كانت شايفة فيها البنت الهادية اللي ساكتة، بس واضح إن كان فيه حاجات كتير مستخبية.
أنا بجد مش قادرة أستوعب، واللي مخليني مخڼوقة أكتر إني مش قادرة أسكت.
الراجل ده لازم يعرف. دي مش حاجة ينفع تتكتم.
أنا قررت إني لازم أبلّغه، بس المشكلة إني مش عارفة أوصل له المعلومة إزاي.
مش عارفة أكلمه؟
أبعتله من رقم مش معروف؟
أقولها له وجهاً لوجه؟
أنا مش خاېفة، بس محتارة أوصل له إزاي من غير ما يتقلب الموضوع عليا أو يبقى شكلي إنسانة نكدية داخلة تهد بيت… مع إني متأكدة إني بعمل الصح أنا بس محتاجة حد يوجهني.
لو حد مر بحاجة شبه كده أو عنده رأي، يا ريت يقولي أتصرف إزاي.
أنا مش هسكت، بس محتاجة طريقة توصل بيها الحقيقة من غير ما تحصل کاړثة أكبر.

ربنا يستر علينا وعلى بيوت الناس.