انا لسة جايبة عيالي من الدرس
مدرسة بنتي
السلام عليكم ورحمه الله وبركاته
انا لسة جايبة عيالي من الدرس ودمي محــروق جدا جداا دلوقتي انا بناتي ٤ و٥ سنين بياخدو تأسيس المس كلمتني قالتلي خلصنا يلا تعالي بعدين بقولها عملتي اي مع بنتي الصغيره عشان مكتبتش الواجب قالتلي بنتك الكبيرة شاطرة بس مش محترمة الصغيرة هيا الي محترمة ومؤدبة بصيغة هزار. قلتلها اي الي حصل قالتلي لما العيال بيطلبو يدخلو الحمام بتطلب هيا كمان. وهيا مش عايزة ودخلت كبتلي ازازة الشور جيل كلها ف انا زعلت ووقلتلها حقك عليا انا هوريها قالتلي خلاص انا زعقتلها فانتي ابقي ادفعلها زيادة فلوس الدرس عشان حق الشارو وبنتي انا كنت هتكلم معاها وهزعلها عشان متعملش كدة تاني انا اصلا مبحبهمش يدخلو الحمام عند حد وديما بحب اخليهم يعملو قبل مينزلو بس المرة دي نسيت لان كنت مستعجلة
ومفتكرتش غير بعد مانزلت المهم رحت اجيب البنت المس كانت معاها مكالمة وبنتي انا برقتلها وقلتلها ينفع كدة وهيا بتبص وخـ,ـايفة وكاتمة العياط اخدتهم ونزلت بقولها لي كدة عملتي كدة لي مش كدة غلط راحت معيطة جامد وقالتلي المس ضؤبنتي بالقلم جامد وانا حضــنتها وقعدت اراضي فيها ودمي اتحــرق وطول م انا ماشية بټعيط وبتقولي انا مش هروح للمس تاني المس وحشة وبعد م جيت البيت اختها الي عندها ٤ سنين حكتلي الي حصل وقالتلي ياسمين كبت حبة صغيرين والمس ضــربتها بالقلم المفروض اعمل دلوقتي بحكمة عشان مش عايزة اتصرف غلط
