خطيبي
لما خطيبى كان عندنا انا سيبت تليفونى قدامه و روحت اجيب حـاجه، و لما رجعت لقيته ماسك تليفونى و عمال يفتش فيه من غير حتى ما ياخد اذنى، و انا قعدت جبنه و سيبته يفتش فى الموبايل براحته و مكلمتوش، لقيته فتح الواتس و كمان المحادثات اللي بينى و بين صحابى و فر الرسايل، و الفيس و سناب ده حتى اليتيوب لقيته فتح سجل المشاهدة و سجلات البحث على جوجل، و سألنى كمان فين الماسنجر، فقولتله معنديش اصلا علشان مش بستخدمه و كمان علشان مساحة الموبايل، فدور فى الضبط و المستكشف بتاع التليفون. و لما جه يفتح الاستوديو حاولت اخد منه الموبايل علشان صور صحابى عليه و قولتله مينفعش يشوف صورهم و مع كده فتح الصور برضه و دى اكتر حاجه عصـ,ـىىبتنى.
و لما خلص عطانى الموبايل و هو بيضحك و قالى تليفونك عامل زى التليفون اللعبة إلا ما فيه اغنية حتى، بتعملى بيه ايه ده مفهيش حاجه، فا انا قولتله ايه الحاجة اللى انت عايز تلاقيها طيب و انا اساعدك، فقلى مفيش فضول بس. قولتله تمام هات موبايلك بقى افتىش فيه فضول برضـه، فرفىض و قالى مينفعش و انا اتأخرت و عايز امشى رغم انه لسة جاى، قولتله ادينىى تليفونك الاول افتش فيه و بعدين امشى ولا انت مخبى حاجه، فقلى مش مخىبى حاجه و مش هديكى الموبايل. فأنا قولتله تمام يبقى كل واحد فينا يروح لحاله، لأن اللى عملته ده تصرف غير اخلاقى و اسمه تجىىـسس و معناه انك مش واثق فيا و انا مش هتجوز واحد مش واثق فيا، ثانيا انك ترفض تدينى الموبايل بتاعك معناه انك مخبى حاجه غلىط.
فقلى انتى مكبرة المواضيع و خلاص يا ستى مش هفتش فى التليفون تانى، قولتله ماشى بس هات موبايلك افتش فيه انا كمان و إلا هفضل شاكة فيك علطول و بعد كدا محدش يفتش فى تليفون حد، لقيته استخدم اسلوب قلب الطربيزة و شغل انتى مچنونة و بدأ يزعق كمان، فقولتله خلاص كل واحد يروح لحاله الحركة دى صعب اعديها لأن ليها معانى كتير، عايز تحل المشىىكله تدينى تليفونك افتش فيه و المشىكلة تنتهي لحد هنا.
فقالى هسيبك تهدى لأنك متعصبة عالفاضى و هبقى اكلمك بالليل و مشى.
فأنا كلمت اهلى و قولتلهم عايزة افسخ الخـطوبة دى و اهلى شايفين ان الموضوع تافة، بس اخويا واقف جانبى و فهم اهلى فين المشكله لأنهم هما ميفهموش فى التليفون و الكلام ده فاشيفين الموضوع عادى، و لما اخويا كلمهم قالولى القرار قرارك و انتى حرة.
و هو بقاله يومين عمال يرن عليا كتير و بيبعتلى رسايل كتير و انا مش عارفه اكمل ولا انهى الموضوع ده خاصة انها مجرد قراية فاتحة بين الاهل و لسة مفيش حاجة رسمى و انا لسة فى تانية جامعة.
فأرجوكوا تساعدونى و تدونى رأيكم و تفسرولى الموقف ده و هل انا صح ولا غلىط و ينفع اكمل ولا لأ، لأنى بسبب الموقف ده حاسه انه شخص مش مناسب لأن متربتش على التجىىس و الشىك و شايفة انه
جامد بفعله ده.
