يا جماعه انا فى مـشكله كبيرة جدا

ست وحدانيه

يا جماعه انا فى مشكله كبيرة جدا ومحتاجه مساعده منكم انا اتجوزت راجل محترم واتفقنا من البدايه أننا نشيل بعض بما انى يتيمه وهو كمان ملهوش حد يساعده واحنا الاتين بتشتغل اتفقنا نساعد بعض فى كل حاجة من ايام الخطوبه وفعلا بدون دخول فى التفاصيل زى ما الناس بتقول كده عملنا بيتنا طوبه طوبه وبعد ما اتجوزنا نفس الكلام انا مرة اجيب الغدا هو مرة يجيب التموين انا اجيب حاجه ناقصه فى لوازم البيت وربنا اكرما وخلفنا ولد وما شاء الله دخل الحضانه دلوقتي شهر انا ادفع مصاريف وهو شهر
تانى وعايشين راضين بحالنا لحد ما أخته اللى متجوزة فى الصعيد حصل بنها وبين جوزها مشاكل كتيرة وسالبت عيالها لأنهم كبار وجت القاهرة تقعد فى بيت ابوها البيت رايح فى ستين دااهيه والسقف بتاعه متهالك والمكان بقالو سنين خرباان اول ما وصلت من الصعيد عملت اللى عليه قبلها ورحت نضفت الدنيا على قد ما اقدر وجبنلها كام حاجه في الثلاجة تمشي نفسها بيها عيش وجبنه وزيت وشاى وسكر وكده ويوم ما جت اخدنا اكل جاهز ورحنا قضينا معاها اليوم وعرفنا أن المشكلة بينها وبين جوزها كبيرة وهى هتستقر فى القاهرة وتطللق وتاخد معاش ابوها بس بعد كده بيوم لاقيت جوزى بيكلمنى وانا فى الشغل وبيقول أخته هتيجى البيت عندنا وهو طبعا هيجيب اكل جاهز عشان انا عامله اكل على قدنا بالظبط وانا بتأخر فى شغلى ساعتين عن جوزى لما روحت لاقتهم اتغدوا عشان هى بتاكل بدرى ولاقيتو جوزى مكسوف عشان
اول مرة ياكل من غيرى انا استقبلت الموضوع عادى وفعلا كان عادى أنهم ياكلواا من غيرى اللى حصل بقى بعدها بيوم أنها كلمته وقالتلو أنها هتطلع على بيتنا راح هو استأذن من الشغل وراح يجبها البيت وهو فى الطريق كلمنى وقالى معلش هجيب اكل جاهز تانى وهاخد اختى ونطلع على البيت انا بصراحه بدأت أحس أن ده مش طبيعي احنا لينا نظام ومينفعش نجيب اكل جاهز كذا يوم ورا بعض كده مصاريف علينا على فكرة أنا هقرا التعليقات فى صفحة ازواج لكن سعداء عشان انا بحب رأى المتابعين المهم المرة دى استنونى على الغدا واول ما دخلت من برة قالتلى أنها جعانه جدا وانى اخرتهم عن الغدا جريت على المطبخ اجيب اطباق ولسه رجعه عشان اغرف سمعتها بتقول لجوزى على ك ااارثه
بتقولواا انها مش هتعرف تعيش فى بيتهم القديم وأنها لازم تكمل وتستقر فى بيتنا عشان هى لما تطللق هتكون ست وحدانيه وكمان معاشها صغير وعماله تفهمه انى ست موظفه وأنها لما تقعد معانا هتطبخ اكل حلو وهتوفرنا وان ابننا لسه صغير فهى هتنام فى اوضه ابننا مع العلم أن شقتنا كلها اوضتين اتمنى منكم تنصحونى اعمل ايه بجد تعباانه وتايهه ومش عارفه خاېفه حياتنا تبوظ وخاېفه أنها تكمل معانا وتبقى فرض علينارض علينا