اتعلموا يا بنات

اتعلموا يا بنات

اتعلموا ي بنات 
مشكلتى باختصار ان فى وحده جارتى حلوه واصغر منى بسنه ومش مخلفه وجوزها بيسافر كتير
كنت شاكة واتأكدت انها على علاقه بجوزى ومش ظنون
من كم يوم كانت فى زياره عندى وتعمدت اسيبها مع جوزى وادخل اخد شاور وكمنت مشغلة كاميرة الفيديو بتاعة الموبيل
و حصل تجاوز هى كانت متجاوبه معاه
الفيديو معايا ولحد دلوقت محدش يعرف انى عرفت
مش عارفه الصح اعمل ايه 
بعد يوم كتبت انها اتصرفت كده
هى شخصيتها خفيفه وفيها سنة طيبه او هبل
وعارفه ان جوزى ممكن يكون هو اللى حاول معاها لحد ما وقعها فى شباكه
بعد ما قريت اقترحاتكم اللى باشكركم عليها وفكرت فيها كتير
نسخت الفيديو على تليفون قديم صغير كان عندى
وروحت لها امبارح وجوزى نايم واتكلمت معاها
وكنت مرتبه انى اروح لها فى الوقت دا بالذات
عشان امبارح كان اجازه وجوزى فى البيت عشان لما اسيبها وارجع شقتى ما تلحقش تتصل بجوزى
وكان جوزها موجود زيادة تأكيد انها ما تعرفش تتصل بجوزى لحد ما اكمل خطتى
قولتلها من غير حوارات كتير انا عرفت اللى بينك وبين جوزى
طبيعى طبعا ارتبكت وانكرت وازى تقولى كدا وانت بتشتمينى فى بيتى والاسطونه المحفوظه اللى انتوا عارفينها
سبتها لحد ما خلصت خالص من غير ما اتكلم وكانت موطيه صوتها وبتحاول ما تنفعلش عشان جوزها موجود واللى على راسه بطحه وانتوا عارفين
ووقفت وقالتلى وراى شغل يعنى بتطردنى بالادب
قولتلها اقعدى بس انا مش جايه اهددك ولا اضرك انا جايه لمصلحتى ومصلحتك
لسه هاتتكلم وتعيد الاسطوانه تانى
قولتلها انا سبتك تخلصى كلامك اسمعينى للاخر
قولتلها انت بتسألى نفسك طبعا انا عرفت ازى حتى لو بتنكرى وعامله مفيش حاجه
برضوا كررت الاسطوانه المحفوظه تانى وسبتها لحد ما خلصت
كملت كلامى ولا كأنى سمعت حاجه
قولتلها بالصدفه وانا بادور فى هدوم جوزى قبل ما اغسلها لقيت فيها كارت ميمورى شغلته على الموبيل لقيته مصورك وانتوا مع بعض وروحت مشغله لها الفيديو
تأثير الفيديو لما شافته كان رهيب عليها اڼهارت بطريقة كانت قربت تصعب على
قولتلها انا ممكن احذف الفيديو دا بس متأكده ان جوزى معاه نسخه تانى مخبيها ومخليها لوقت عوزه
ومش محتاجه اقولك انه مصورك عشان يذلك لو رفضتى تديه حاجه هو عايزها منك
وبعد كدا هديتها وقولتلها اهدى انا جايه عشان مصلحتى ومصلحتك وامسكى نفسك عشان جوزك ما يحسش بحاجه
رميت كلمه تانى كنت عايره اعرف العلاقه بينهم وصلت لفين وفرصه وهى مڼهاره مش هتلحق تألف وتكذب
عرفت ان العلاقه بينهم لسه ما وصلتش للژنا وان الى بينهم تجاوزات وتجاوزات فى التليفون
قولتلها جوزى ما يعرفش انى عرفت حاجه ولو عرف طبعا نسخ الفيديو التانية هيخبيها بره البيت انا قولت كدا عشان اثبتها ما تحولش تتصل بيه وتحكى له عشان هيبقى ضد مصلحتها
هى نزل عليها الخرس كانت بټعيط وتسح بالدموع من عنيها من