دلوقتي اكتشفت بعد شكوك ان جوزي طلع متجوز عليا

ايه رايكم

تعديل : دلوقتي اكتشفت بعد شكوك ان جوزي طلع متجوز عليا واحده شمال من بتوع السـ,ـهرات والديسـ,ـكوهات حسبي الله ونعم الوكيل
وانا برغم غيرتي الشديده وقدرتي علي اتخاذ موقف
ولكني معملتش اي رد فعل
وكان جوايا قناعه هياخد وقته وهيرجع وكنت واثقه لان الحمدلله عمري ماقصرت في حقه ومتاكده انها نزوه وزي اغلب الرجاله عاوز يجرب وزفت علي دماغهم
ولكن واجهته انك طول ما انت مع الاشكال دي بكل بساطه تسيب البيت من غير لا زعل ولا اي حاجه
وبنتكلم وعلاقته بالولاد تمام ومفهماهم انه في سفرية شغل
وهو طبعا اعترض بس انا صممت علشان بقرف فمستحيل تلمسني وانت مع الاشكال دي
وفعلا ساب البيت
وانا اخدتها فرصه وانطلقت بقي
سفر وخروج وشوبنج وجيم وكورسات وزيارات عائليه لناس كتير كنت مش بعرف اشوفهم
وصحابي من بتوع الجامعه
واخدتها انا كمان فترة تجديد
وهو معرفش عنه حاجه ولا كنت عاوزا اعرف عملتله بلوك
المهم
خلص لفته وتجربته ورجع يبوس الايدين والرجلين
وانا بكل برود وافقت يرجع مدام الحوار انتهي
دلوقتي عاوزاكم تفكروا معايا في حاجه اطلبها منه اضمن كرد اعتبار ليا علي الهجر والجواز وقلة الادب اللي عاملها دي
افكار برا الصندوق يا بنات .. ؟؟؟
شكرا لكل اللي قرا ورد
انا الفكره اللي في دماغي
بصرااحه
ارفع خُلع وابقي كدا ردتله القلم واخدت حقي
لان انا حاسه الموضوع جوايا اكبر من تعويضات ماديه
انا مستقله ماديا وعندي الراتب بتاعي والشقه كاتبها بإسمي من زمان
انا حاسه دا هيكون رد اعتبار بجد
ولو فعلا حابب يرجع بعد ما عملت كدا
ساعتها بقي نتكلم في ماديات من اول وجديد
ايه رأيكو ؟؟؟؟؟