أمه وأخته

السلام عليكم ورحمة الله وبركاته لو سمحت نزل المشكله دي انا عندي ٢٥ سنه متجوزه من ٦سنين معايا بنوته اربع سنين وحامل في الشهر الخامس متجوزه فوق شقه حماتي عندها بنت أكبر مني في السن ولسه ربنا مااردش تتجوز وعندي سلفي في ثانويه عامه وجوزي بيشتغل في مدينه بعيده شويه بيجي كل أسبوعين أو تلاته وانا بنام في شقتي وبنزل لحماتي الصبح ومش عوژاني اطلع الشقه بنتها حساها كرهاني والله مش عارفه ليه بحاول أراضيهم على قد مااقدر بس مفيش فايده دايما بتسخن امها عليا وحماټي تزعقلي وطبعا قايله لجوزي المصروف معاها والاكل والشرب عندها تحت وهو مش بيديني مصروف بس اخواتي بيدوني فلوس من ورا جوزي كتير المهم انا نازله الصبح من شقتي كنت بكنس السلم وانا نازله والله سمعت حماتي بتقول لبنتها متزعليش نفسك وابقي هاتيها من شعرها واضړبيها وانتو الاتنين زي بعض انما انا مينفعش أمد أيدي عليها علشان معملش مشاكل مع اخوكي انا بصراحه خفت من كلامهم خصوصا انا حامل انا دخلت عندهم ومتكلمتش في حاجه عملت الشغل اللي بعمله بس البنت بتتلكك ليه انا خارجه من الحمام والبنت في مقبلاني راحت مزعقه فيا وقالت انتي بتزقيني ليه قلتلها متمديش ايدك عليا راحت زقاني في الاوضه اللي هي قفلت شباكها فاانا موقعتش انا ظبط نفسي ودخلت الغرفه ورايا فرحت وقفت ورا الباب قفلته مسكتها ضړبتها وبهدلتها جامد وانا اللي كنت پصرخ وامها فاكره انها بتضربني انا طويله عنها مليانه كمان بصراحه ضړبتها كتير وبعدت عن الباب لحماتي تدخل حماتي كانت بتحاول تمسك أيدي علشان بنتها تضربني بس مكنتش بتعرف وانا مش عوزه اضړبها بس اتبهدلت بصراحه وفرهدت نفسها وانا زقتها مرتين المهم الاتنين سبتهم وطلعت اخدت الطرحه وانا طالعه لقيت بنتي نازله من فوق اخدتها وطلعت على المركز عملت بلاغ في البنت وامها والضابط صدقني علشان جوزي مش موجود وانا حامل وانا ماشيه اخدت تلفون حد من الشارع ورنيت على جوزي قولتله امك واختك ضړبوني وبهدلوني وانا عملت بلاغ فيهم وروحت عند اهلي انا مش عارفه اعمل ايه دلوقت كل شويه يبعتو حد علشان اسحب القضيه واخواتي مش راضيين بس هما مضربونيش بس كانو فعلا عوزين يضربوني انا مش عارفه اعمل ايه