يا بنات مرات أخويا بني آدمه ثقيله أوي
عيد ميلاد اخويا
يا بنات مرات أخويا بني آدمه ثقيله أوي
امبارح قالت إنها هتعمل عيد ميلاد مفاجأة لاخويا وخرجت اشترت كل حاجة تورتة وعشا فراخ وبطاطس وكل حاجة
وما قالتليش حتا اني اروح معاها
دخلت الأوضة بتاعتها زينتها وحطت العشا اللي اشترته
ولما أخويا جه قالتله استنى هتدخل تلاقي مفاجأة
انا قولت لاخويا ع اللي هي عملاه
أول ما وصل عند باب الأوضة خىبط لقاها قافلة بالمفتاح
قالها افتحي أنا حاسس إنك عاملالي عيد ميلاد
قالتله عرفت منين
قالها الجماعه قالولي
قلىبت وشها
قالها اي يعني حصل
قالتله كنت عايزة أعملهالك مفاجأة
قالها عادي
محدش قالي ادخل أحضر معاهم العيد ميلاد قومت دخلت من نفسي ونديت على ماما وأختي الصغيرة
بس هي مكانش عاجبها إننا ندخل
بس إحنا كمان كنا عايزين نفرح مع أخويا
اتعشينا عندها في الأوضة وهي قاعدة باصة لنا ومضايقة
مكانتش عايزة حد يدخل
بس هو أخويا وإحنا كمان نفرح معاه
ولما الاكل خلص قولتله تعال نقىطع التورتة بره
هي مقامتش من مكانها
ماما قالتلي شكلها ماكنتش عايزة حد يدخل
وبعد ما خلصنا كل حاجة
قالت لأخويا يعني كنت عاملالك مفاجأة وأختك خربتها
قالها مش مشىكلة المهم إنك عملتي وفكرتي فيا
بس وشها اتغير
قالها ريحي دماغى مش عاوز نكىد
بصراحه عجبني رد اخويا
ده أخويا وإحنا كمان نفرح معاه
قولولي يا بنات أنا غلىطانة ولا لأ
.
