احنا 3 بنات متجوزين

ماما وبابا

السلام عليكم احنا 3 بنات متجوزين..واحده بره مصر وانا واختي هنا بنعشق حاجه اسمها بابا دلوقتي بابا كان مريض کانسر وماټ..ماما كانت تحت رجليه بالمعنى الحرفي للكلمه..بس كله بالتقطيم والتأنيب..كل حاجه تصرخ فوشه هدتني تعبتني حرام بقى ده ميرضيش ربنا..وبعدها يصعب عليها فتعتذرله..بس بعد ايه بعد ما كان يا قلبي بيبكي ساعات وتاب واستغفر بعدها كتير من شده الڠضب..عمره ونصيبه وربنا قبضه وهو بيقرأ القرآن بعد ما صلى بالناس جماعه فالمسجد..يعني حسن خاتمه بردو بالمعنى الحرفي ان شاء الله الفكره اني اصلا كنت بعشقه عشق وطول عمري بعاني من قسوه امي ومش عارفه اروح فين من كتر حنيه ابويا..بعد ما بابا ماټ ..عندي احساس رهيب ان ماما كان ليها دور في مۏته قهرته وحزنته وكسرت نفسه والمړض ده علاجه الاساسي النفسيه الكويسه والدعم اهم شيء هي خدمته بس نئرزته بكل خدمه خدمتهاله انا ولا قادره اشوف دموعها ولا قادره اتعاطف معاها..كنت كل ما اكلمها اطمن عليه تقولي بيهدني بيموتني بالطلبات .عاوز يقضي عليه ..اومال في ايه دلوقتي يعني العياط والحب والحنيه انا مش قادره افتكر غير وهي عماله تغيظ فيه وتخرجه عن شعوره وتعايره مش قادره اتعاطف معاها واحن عليها عشان بقت لوحدها ..انا قلبي متفتفت على ابويا وحزينه ان هي دي مشاعري تجاه امي..هل في حد ممكن يقولي اتصرف ازاي.