انا متزو،،جه وعندي بنت واحده

عيال اخويا
من غير اسم لو سمحت
انا متزوجه وعندي بنت واحده مخلفتش غيرها لمشاكل صحيه تمنع الانجاب و سافرت فتره والحمدلله الامور متيسره وربنا رزقنا من وسع
اخويا اټوفي وساب ولد وبنت وزوجه وكانوا عايشين في شقه ايجار فأنا عندي بيتي اللي عايشه فيه ماشاء الله ٣ طوابق وعندي بيت تاني طابق واحد فقط انا
قولت اني هخلي مرات اخويا وولادها ياخدوه واكتبه ليهم عشان ميتبهدلوش واخويا الله يرحمه كان دايما كل ما يكلمني يوصيني ع اولاده ويقولي خلي بالك منهم ملهومش غيرك انا لازم اكتب البيت باسمهم ومش هسيبهم لحد ما اجوز العيال
دلوقتي جوزي زعلان وبيقولي طب ما يقعدوا فيه وخلاص هو حد طلب منهم حاجه انا رديت وقولتله انت مش عوزني اكتبه ليهم عشان لو جرالي حاجه تطردهم ويتبهدلوا زعل مني وراح ڠضب عند اخته وبكلمه مش بيرد اعمل ايه اسمع كلامه ولا انفذ اللي في دماغي ارجو الرد