أنا عندي 23 سنة ومتجوزة بقالى 5 شهور

أنا  عندي  23  سنة،  ومتجوزة  بقالى  5  شهور  من  راجل  عنده  40  سنة    جواز  تقليدي،  هو  كان  صاحب  خالي  وشريكه  في  الشغل    لما  شوفته  مكنتش  معجبة  بيه،  بس  وافقت  أتجوزه  عشان  أهرب  من  الفقر    بابا  مټوفي،  وماما  اتجوزت  تاني  وسابتني  عند  خوالي  من  وأنا  عندي  12  سنة    كنت  بشتغل  عندهم  وعند  مراتاتهم،  بربي  العيال،  وبعمل  كل  حاجة    ولما  جه  يخطبني،  وافقت  من  غير  تفكير  
علاقتي  مع  جوزي  عادية،  مفيش  مشاكل،  وبسكن  لوحدي    النهارده  كنت  قاعدة  معاه  بنكلم،  فقال  لي:  "نفسي  في  كبدة،  إيه  رأيك  نجيبها  ونشويها؟"
ضحكت  وقلتله:  "ياااه،  أنا  عمري  ما  كلتها!"
استغرب  وسألني:  "ليه؟  مش  بتحبيها؟"
قلت  له:  "ولا  عمري  حتى  دوقتها!"
سألني:  "طب  وفي  العيد  الكبير؟"
قلتله:  "مبيسيبوش  لي  حقي،  بيخلوني  أغسل  الكرشة،  ولما  أخلص  وأدخل  ألاقيهم  أكلوا  وقسموها،  وأكل  أنا  بس  بطاطس  محمرة!"
سكت  وخرج…  وبعد  شوية  رجع،  جاب  لي  معاه  10  كيلو  كبدة!
عملت  على  أدنا،  وحطيت  الباقي  في  الفريزر    جهزت  الأكل  والسفرة،  وقعدنا  ناكل  
وأحنا  بناكل،  بص  لي  فجأة  وقال  لي:
"أنا  هجولك  سر…  بس  يبقى  بينا!"
ابتسمت  وقلتله:  "قول!"
قال  لي:
"أنا  أكلت  كل  أنواع  الأكل  وأغلاهم…  بس  دي  أطعم  مرة  أكل  فيها  حاجة،  وبالأخص  أطعم  كبدة  دوقتها  في  حياتي!"
وقتها  حسيت  إني  بكلم  ربنا،  ومفيش  غير  جملة  واحدة  في  بالي:
"الحمد  لله  على  عوضك  يا  رب  "