انا متجوز من ٣ سنين و مغترب

محتاج حل يرضي الجميع
مشكله من عضو
انا متجوز من ٣ سنين و مغترب مع مراتي و بقالنا سنتين منزلناش مصر.. اخر اجازة أمي قالتلي اختك ظروفها صعبة و جوزها مش قادر يدفع الإيجار فهتقعد في شقتك كام شهر لحد ما يظبطوا ظروفهم و متقولش لمراتك عشان المشاكل
انا اتكسفت أرفض و قد كان و الكام شهر بقوا سنتين و اختي لسه قاعدة في الشقة و انا مخبي ع مراتي و انا شقتي تمليك مش بيت عيلة
المهم مراتي قررت تنزل مصر تقعد كام شهر و كلمت اختي تمشي قالتلي مش هينفع دلوقتي خالص ف اضطريت اقول لمراتي اللى ثارت و بهدلت الدنيا وازاي اختي و جوزها ادخلهم بيتها و واحد غريب ينام علي فرشتها و في أوضتها حاولت أهديها مهديتش
غير انى لازم امشي اختي و اختي مش عاوزة تمشي و قلتلها انزلي علي بيت اهلك رفضت و قالتلي انزل علي بيت اهلي ليه و انا عندي بيت المهم نزلت علي بيت أهلها و لما اختي رفضت تمشي
راحت مراتي عملت تمكين و خدت قوة من القسم و طردت اختي و جوزها و عيالها و اتخانقوا خناقة كبيرة و شتموا بعض و فعلا اتمكنت من الشقة و قعدت فيها
و امي مصرة اني لازم أطلق مراتي و ابيع الشقة خاصة إن جوز اختي مهددها بالطلاق لان مراتي عملتله محضر
بالتلفيات في الشقة و حاجات من جهازها اتكسرت و ضاعت
و مراتي كلمتني قالتلى انزل علي بيتك و انا شارياك و بيتنا رجع لنا وانا مش عارف مين فيهم الغلط و مش عارف أطلقها و لا ارجع لها!!
أرجوا من حضرتكم النصيحه لأني في حيره من أمري