قصة مطبخ عروسة

مطبخ عروسة

حصل موقف امبارح انا للاسف مش قادره اتخطاه
نزلت شقتى امبارح مع أهلى علشان كان تركيب المطبخ لان فرحى بعد العيد
وانا مختاره كل حاجه ف المطبخ علي زوقى و عاملاه رقيق اوى اوى و سمبل ومافيهوش شغل كتير انا حبيت كده
امبارح اول ما شوفت المطبخ قولت ل ماما حلو اوى
لاقيت حماتى بتزعق فيا انا وماما لا المطبخ مش حلو هو دا مطبخ عروسه دا شكل مطبخ امى دا مافيهوش حتى درفه ازاز وكل دا بصوت عالي و زعيق حتى خطيبى انضم ل أمه
وانا ب كل هدوء قولتلها يا ماما دا طلبى وانا جايبه الديزاين من علي النت يكون هادى
بس هى مصممه أنه وحش وخطيبي قال ل بابا يتعمل غيره و ناجل الفرح عادى علي ما تعملو واحد غيره
دا غير أن هم طلبو من بابا ديب فريزر وامبارح حماتى تقول ل ماما هو فيه عروسه تدخل من غير ديب فريزر
ومن فتره خطيبي كان عندى وطلب من بابا شاشه كمان ل اوضة النوم و بابا جابها عادى
لكن أنا امبارح مش قادره اتخطى اللي حصل
حتى احنا قاعدين ف بيتهم مافيش كوباية ميه اتحطت لينا
هو انا من حقى ازعل صح ؟
من حقى أكون متنكده النكد دا كله ؟
وامبارح بعاتب علي خطيبي أن الموضوع مش مستاهل نخسر بعض علشان خاطر مطبخ
و ليه يحصل كل دا ؟
رد قالي اللى حصل إجابته عندك
طب ما انا مختاره زوقى وعملت حسب ظروف اهلي رغم أنه مكلفنى مبلغ مش رخيص خالص والله
ليه احس ب اهانه كده
انا كنت عديت كل المواقف اللي فاتت وامبارح مش قادره اتخطاه و واقفه قصاد بابا علي أن اسيبه لكن بابا رافض خالص
اتخطى اللي حصل ازاى