كنت مخطوبة لواحد محترم

كنت مخطوبة لواحد محترم

كنت مخطوبة لواحد محترم طيب عمره ما قال لي كلمة تزعلني. كان بيقبض كل شهر ويحولي فلوسه عشان أحوشها له كان بيقولي إنتي أمينة ومليش غيرك خلي الفلوس عندك علشان لما نتجوز ونبدأ حياتنا.
وأنا كنت بعمل كده كل جنيه كنت بخبيه كنت بشوف الفلوس بتزيد وفرحانة إننا بنخطط لمستقبلنا كنا هنجيب شقة وكنا هنعيش حياة حلوة مع بعض بس الحياة كان ليها رأي تاني.
في يوم فجأة جالي تليفون
البقاء لله حصل له حاډثة وماټ في ساعتها!
الدنيا ضلمت في وشي
إزاي ده كان بيكلمني امبارح كان بيخطط لحياتنا كان بيقولي هنسكن فين ونجيب
عفش إيه! ازاي في لحظة كل حاجة تخلص!
لكن الصدمة الأكبر
بعد فترة أهله جم وسألوني عن الفلوس
قالولي هو كان بيقبض ويرجع البيت مفىلس إنتي أكيد معاكي فلوسه هاتيها!
أنا كنت مصډومة
دي فلوسه فعلا بس كنا بنخطط لحياتنا بيها! كنا هنتجوز بيها! هو اللي كان بيبعتهالي بإرادته
لكن دلوقتي الجواز مبقاش موجود وهو مشي وسابني
إيه الصح
أديهم الفلوس وأسكت
ولا الفلوس دي حقي لأنه كان بيبني بيها حياتنا
أنا تايهة ومش عارفة أعمل إيه !!