محتار جدآ ومش عارف اعمل ايه

حقـن مجــهري

محتار جدآ ومش عارف اعمل ايه انا متجوز من ٨ سنين ولغاية دلوقتي محصلش نصيب في اطفال وزوجتي كل تحاليلها الحمد لله سليمة وانا اللي عندي المشكلة في الإنجاب وهي ربنا يبارك في عمرها داخلة علي ال ٣٧ سنة وانا الحل الوحيد بالنسبالي عشان اخلف لازم حقن مجهري عملناه مرتين ومحصلش نصيب والحمد لله علي كل حال هي بتحبني جدا وانا متاكد من ده وانها من ناحيتها انها مختارة تكمل معايا حتي لو ربنا مكرمش بأطفال وقراراها ده واختيارها ليا علي حساب الاطفال انا مقدر ده جدا وبيعبر عن صدق حبها ليا بس انا عندي سؤال محدد ومحتاج إجابة منصفة بما يرضي الله دلوقتي انا متأكد انها شايفة طالما هي اتنازلت عن حقها في الإنجاب انا كمان لازم اتنازل عنه ونكمل سوا وانا طول الفترة اللي فاتت مكنش فارق معايا الاطفال وحياتنا عادية ومستقرة لكن مؤخرا بقي عندي رغبة كبيرة في السعي ان يكون عندي اطفال
انا مش بتكلم نهائي في انفصال واتجوز واحدة ثانية
انا بفكر في زوجة ثانية
سؤالي بقي هل مجرد تفكيري في اني اتجوز زوجة ثانية تقبل ظروفي وترضي تعمل حقن مجهري فيه انانية وغدر مني 
انا عارف انه شرعا حلال بس انا مش عاوز اعيش بذنب وتأنيب ضمير من ناحيتها لاني فعلا بحبها
احنا حاليا ماشيين في إجراءات حقن مجهري جديد وبندعي ربنا يوفقنا بس انا بسأل تحديدا عشان مبقاش ساعة ما الامل ينتهي اكون ظالمها في اني عندي نية اتجوز تاني من زمان
اذا لاقدر الله محصلش نصيب في اطفال منها هتقولي ليه مرمطني معاك واستنزفتني في العمليات وانا كنت ممكن اخلف طبيعي ومقولتليش ليه انك ناوي تتجوز كنت اتطلقت من زمان وشوفت حالي لاني متأكد انها مستحيل تقبل بزوجة تانية وفعلا مش عارف اعمل ايه