انا اكتشفت اني

السلام عليكم ورحمة الله وبركاته 
انا اكتشفت اني انسان وحش جدا  لما عرفت ان زميلي في الشغل من بعيد ..متجوز البنت اللي كنا في فترة تجاوزات مع بعض زمان ايام الكليه
وهو غلبان وع نياته جدا ... وهيا كانت التجاوزات برضاها وكانت عارفه وقتها اني مش بتاع جواز وحابه تتمادى
بس الدنيا بتثبتلي ان الحياه شغاله وكل مرحله ليها الناس بتاعتها .. وقت التسليه بالنسبه لها له ناس بتاعتها ووقت الجواز له ناس تانيه والحياه مابتقفش
انا بنتمالها كل خير ومليش حاليا علاقه بيها بالعكس انا فرحان انها متجوزة ومستورة بالعكس ساعات بقول يمكن ربنا يبيحبها عشان اتجوزته وهو ابن حلال
بس بيجيلي افكار وحشه كل ماتعامل مع زميلي ده وهو حاطط صورهم سوا ع الابتوب بتاعه او في مكتبه. بفتكر كلام كانت بتقولهولي زمان في شات بينا زمان وحجات واحنا سوا..ڠصب عني بشوفه قليل وبيصعب عليا وبحس اني وحش ادامه..كل مابصله وهو غلبان بحس بالذنب و بقول جوا نفسي.. كلام وحش  وقاسې انتوا متخيلينوا . .
عايز ابعد الاحساس والتفكير ده من دماغي كل مابصله
ياريت بلاش اجابات من نوعيه قوله والجو ده... انا مممكن اكون شخصيه زباله بس عمر ماكان طبعي ان اخرب الدنيا ع حد عشان كلنا مش ملايكه وربنا ساترنا