لقيت مراتي قاعده كده ماسكه تليفونها

لقيت مراتي قاعده كده ماسكه تليفونها وبتضحك بقولها بتضحكي على ايه ! قالت البنات اصحابى كانو متراهنين مين هتاخد من جوزها فلوس اكتر م التانيه وانا كنت عارفه ان البت اسماء صاحبتنا انت ماتعرفهاش هي اللي هتكسب لان جوزها استحاله يخليها تخسر ولا يبخل عليها ! قولتلها طب وانتي مدخلتيش ليه معاهم ف الرهان ده وانا اكسبك بدل اسماء دى ! قالتلي يا حبيبي منا عارفه الظروف وضغط الشغل مش عاوزه اتقل عليك ! قولتلها لا مافيش الكلام ده انا معايا فلوس وخير ربنا كتير قالت يعني عاوز تقنعني اني لو طلبت منك 2000 جنيه بس مش 3000 زي ما اسماء خدت من جوزها هتديهملي !؟ قولتلها وحالا كمان وهديك 3000 كمان مش ألفين ! قالتلي يا حبيبي بلاش الكلام ده انا عارفه ظروفك ! قولتلها عليا الطلاق لاتاخدي الفلوس دلوقتي قومي هاتيلي المحفظه انا استحاله مراتي تخسر ف حاجه زي دي هو احنا قليلين ف البلد ولا ايه ! وبالفعل خدت الفلوس اشترت بيهم اكسسوارات ومكياجات وجزمه جديده عشان معزومين علي فرح اسماء الاسبوع الجاي