مراتي حامل
مراتي حامل
مشكلة
انا متجوز من سنة ونص ومراتي حامل في ولد وعندي مشكلة تعتبر غريبة شوية لقيت مراتي جايه وبتقولي عايزين فلوس نشتري ملابس وحاجات للبيبي علشان هتولد قريب
قولتها ازاي انتي عروسه لسه والمفروض تكوني جايبه معاكي هدوم لسنتين قدام لأول طفل قالتلي لا مش جايبه ملابس بيبي ده ابوه اللي بيجيب معروفه اقسم بالله كلامها نزل عليا كالصىاعقة ازاي جهازك يبقى مفيهوش ملابس للطفل وتفاصيل كتيرة مش عاوز اطول عليكم
هل ده حلال كده مش حرام عليهم يعملوا كده فيا ويخلوني اتحمل ملابس الطفل الاول ده لو هما كانوا مش قادرين كانوا بلغوني نأجل الجواز لحد ما يجهزوا ولا هما قاصدين كده يلبسوني في الحيطه انا فعلا زعلان اوي من الموقف ده لان دي مش اصول ولو قولت لاهلي ممكن يغلطوا فيها و الموضوع هيكبر وممكن يوصل لطلاق
اعمل ايه اروح لاهلها اطالب ابوها يجيب لبس الطفل ولا غلط يا ريت تقولولي
هدوء النفس
