انا لسه والده وبعد ما خلصت الاربعين
الديك والفــرخة
انا لسه والده وبعد ما خلصت الاربعين فكرت
اعوض جوزي عن الشوق والحنين
روحت اشتريت ديكورات وشموع وحركات على اساس اعمل جو ليله وقعدت افكر ازاى اعمل ليله حلوه و حركه جديده!! دخلت على النت لقيت عرض جديد عن الالعاب ال فطلبت العرض اون لاين قفص كبييييييير واتزوقت على سنجة عشره ولبست حاجة كلها ريش آخر شهيصه والمكيب ولا العروسه وبقيت فله شمعه منوره اكلت النونو ونيمته فى غرفة الأطفال
واتصلت بجوزي وقلتله لما تخلص قعدتك مع اصحابك عرفنى وأنت راجع فى الطريق
المهم شويه واتصل بيا وقالي انا فى الطريق قومت بسرعة ودخلت القفص وقفلت ع نفسي ورميت المفتاح بره القفص ! تتوقعوا ليييييييييييييه! انا هقولك ليه !!
عشان أول مايدخل اقوله انت الفارس الى هتنقذنى واحسسه أنه بطل وفارس احلامي المهم رميت المفتاح وقعدت استنا عنتر ابن شداد ! واستنا واستنا و مجاش والنونو صحى وفضل يعيط وانا مش عارفه اطلع من القفص قافله علي نفسي وهو اتاخر والبيبي اتفرم من العياط
وبعد شويه حماتي إلى ساكنه فى نفس البيت في الدور الأرضي تسمع الولد بيصوت وفضلت تنادي عليا وانا مش عارفه ارد حماتي قلقت وطلعت فتحت الشقة ودخلت عليا الاوضه ولقيتني جوه القفص حماتي قالتلي وهي مصدومه من المنظر ايه الى انتى عملاه فى نفسك ده يا هطئله انا مۏت من الاحراج وانا لابسه الريش وفى القفص
قولتلها اتخيلت نفسي فرخه ومستنيه الديك حماتي بصتلي بقرف وقالت ربنا يشفيكى من الهبل الى فيه انتى والديك الى قاعده تستنيه فى القفص انزلي يختي جوزك نايم على الكنبه تحت وسكتي الكتكوت اللي بيكاكي يا فرخة وانا من وقتها مش قادرة انزل من البيت من الكسوف أصلح الموقف ازاي
